Mga 'KUBOL' ha Prov'l Jail ipinaruba ni Gov. Nicart; kadugangan nga mga kuntrabando, nar

Iguinsugo na ni Eastern Samar Governor Conrado Aklan Nicart Jr. adton pag-ruba ha mga kubol ha Provincial Jail.

Ini in matapos an pagkakarekupo hin mga kontrabando, ha ginbuhat nga “surprise visit” han Gobernador, kaupod adton ESPPO hadton ika baynte-kwatro han Nobyembre.

Han nakalaby la nga Martes han igsgo ni Governor Nicart an pagpatanggal han mga Kubol ha nasabi nga pirisohan kon diin sumala pa ha iya nakuha nga sumat in ginagamit han mga detainee ha illegal nga mga binuhatan.

Guinpatanggal guihapon han Gobernador an mga tindahan nga guinmamani-ubra han mga piriso.

Samtang, igin-relieve la anay ha pwesto hi Provincial Jail Warden Eric Batula samtang guinbubuhat iton imbistigasyon.

Han Lunes la, December 7, 2015 han pormal nga isinaliwan la anay ha pwesto ni Batula hi Provincial Jail Warden Sammy Afable pinaagi hin simple nga turn-over ceremony.

Kadugangan pa nga mga drug paraphernalia ngan gadgets an nakuha ha nasabi nga pasilidad mahuman naman nga magpatuman hin usa pa nga raid adton yana Officer-in-Charge Provincial Jail Warden Sammy Afable kausa an iya mga tawuhan han nakalabay la nga Martes, December 8, 2015. Ini in tulo ka semana matapos an surprise visit ni Governor Nicart.

Una hini in narekopo in mga drug paraphernalia, nga ginagamit ha pag-po-pot session sugad hit tooter, mga plastic sachet nga mayda pa residue hin gintutuuhan shabu; mga lighter; sugad man mga celphone, laptop, pocket-wifi han magbuhat hin surprise visit hi Governor Nicart kaupod adton Eastern Samar Provincial Police Office hadton nakalaby nga bulan.

Nahisumat nga an surprise visit in kumo pagbaton han Gobernador ha mga reklamo mahitungod ha aktibidades nga nahinanabo ha sulod han pirisohan may kalabotan ha illegal nga droga.

Diretso naman nga naghimo hin Investigating Team an opisina han gobernador ha pangunguna hiton Office of the Prov’l Legal Officer.

Ha pagkayana in may ada 166 nga mga naka-detene ha prov’l jail ug upat hini in mga kababayne-an, kon diin kasagaran ha ira in may kaso ha pagtaga-iligal nga droga.

SOURCE: PENELOPE POMIDA, Facebook