Longest day ngay-an yana nga adlaw! June 21, 2018

The longest day of the year is here.

Guinsumat han Philippine, Atmospheric, Geophysical, and Astronomical Services Administration o PAGASA nga yana nga adlaw ngay-an an tinatawag nga longest day and shortest night of the year in the Northern Hemisphere ha yana nga summer solstice.

Amo ini an panahon kon diin an nakakab-ot han Adlaw an pinakadako nga declination nga naabot ha +23.5 degrees ug nalabay derekta ha sentro kon natukdaw ha gawas kon adlawoy (udto kon ha Sur) para han ngatanan nga nag-oobserba.

Sumala ha PAGASA, an bug-os nga adlaw o daytime in umabot ha 12 ka oras ug 59 minutos yana nga adlaw. An Adlaw in sumirang 5:28 han aga ug natunod mga 6:27 na han gab-i.

Guinsisiring guihapon nga ini nga hitabo in amo an tinikangan hiton tinatawag nga apparent southward movement of the Sun in the ecliptic.

Ini daw in nahiadman nga nagiging sinyales ha pagtitkang hiton summer season ha Northern Hemisphere. Guinlalauman nga guihapon nga iton daytime in mas magigin-halaba kontra ha nighttime ha masunod nga tulo ka bulan.

Ha luyo nga bahin naman, in guinpahimatngonan hiton State weather bureau iton publiko ha posibilidad hin pagbaha ha mga low-lying areas ha parte hiton Luzon ug Visayas durot ini hiton mahinay nga pag-uran tikang ha southwest monsoon o an “hanging habagat” ug lakip pa hini an extension of a low pressure area.

Guinbana-bana han PAGASA an kinamumutangan han LPA ha 100 kilometers east hiton Daet, Camarines Norte.

An pagduso naman hiton mga dampog dara hiton LPA in magdadara hin light to moderate rains ug isolated thunderstorms ha Biliran, Eastern Samar, Leyte, Northern Samar, Samar, Southern Leyte, Albay, Catanduanes, Camarines Norte, Camarines Sur, Sorsogon, ngan Masbate.

SOURCE: Tempo