Tacloban Sangyaw Endurance Tour Rider naaksidente, patay

Patay in usa nga rider matapos nga ma-aksidente ha kakalsadahan hiton National Highway ha Brgy. Maslog, Lawaan, Eastern Samar han sabado.

Ginkilala an mga biktima nga hi Jorey Kim Barredo, 25 anyos, usa nga rider han Tacloban Sangyaw Endurance Tour ngan residente ha Malaybalay, Bikidnon; ngan hi Gil Bardaje nga may duha nga backrider nga hira Janito Bardaje ngan Lourdes Bardaje nga pareho nga residente ha Villareal, Samar.

Subay ha inisyal nga imbistigasyon han mga otoridad, pareho sakay han single nga motor an mga biktima ngan magkaiba an rota han ira dalagan pero han pag-abot ha kalsada nga magkakatapo na hira, an single nga motor nga ginmamaneho ni Jorey in kumabat ha kaluyo nga lane kun diin nadalagan an single nga motor nga ginmamaneho naman ni Gil ngan didto na nagbungguay an duduha nga behikulo.

Tanan hira in samaran ha nahinabo nga insidente ngan gindara ha Eastern Visayas Regional Medical Center (EVRMC) para hin medikal nga atensiyon.

Pero, iguin-deklara nga dead-on-arrival ha hospital hi Jorrey Kim Barredo.

Nagpahimatngon naman an Lawaan PNP ha mga motorista nga maghirot ha pagmamaneho agud makalikay ha ano man nga aksidente.

SOURCE: RMN Visayas