BSP capitalization hike ni Cong. Ben Evardone aprubado na, third reading approval guinlalauman ha su

Guin-aprubahan hiton House of Representatives ha second reading an balaudnon nga nagduduso nga pakusgon an 'supervisory ug regulatory powers' hiton Bangko Sentral ng Pilipinas, samtang pinapahataas naman an kapitalisasyon hini ha 400 percent ha yana 'principal' hini.

Guinsiring nira Congressmen Ben Evardone (PDP-Laban, Eastern Samar) ug Henry Oaminal (PDP-Laban, Misamis Oriental) nga ira guinlalauman an third reading approval han House Bill 7742 ha pagbabalik hiton sesyon ha masunod nga bulan.

Principal sponsor ha nasabi nga balaudnon hi Evardone, chairman of the House committee on banks and financial intermediaries, kaupod hi Oaminal.

Sumala pa kan Evardone nga nagtitinguha an HB 7742 nga amyendahan an pira nga mga key provisions han Republic Act 7653 o an New Central Bank Act, kon diin dako nga parte hini an pagpataas ha kapitalisasyon hiton BSP tikang ha P50 billion ngadto ha P200 billion.

Paparig-unon han nasabi nga proposal, sumala ha mambabalaud an capital viability, hiton BSP ug mapapakusog an monetary stability functions ngan mapapaupay pa an regulatory powers hini.

Ibabalik guihapon hiton HB 7742 an tax exemption privilege hiton BSP ug an gahum nga makakuha hin impormasyon tikang ha mga pribado nga tawo o entities.

Kinokonsidera guihapon hini nga balaudnon an panginahanglan hin mantinado ug progresibo nga financial management pinaagi ha paghatag hin katugutan ha Monetary Board nga magbuhat hin mga meetings pinaagi ha mga moderno nga teknolohiya sugad nala hiton teleconferencing ngan video conferencing.

Ha ilarom hini nga balaudnon, guinmamandu-an guihap an BSP nga i-promote iton financial stability ug an mahugot nga pakikipag-sumpayan ha pira nga mga ahensiya sugad nala hiton Securities and Exchange Commission, Insurance Commission, Philippine Deposit Insurance Commission ug iton national government.

SOURCE: Manila Bulletin