Tatay hin kandidato pagka-Kapitan, guinpusil- patay ha Eastern Samar

Patay in usa nga tatay hin usa nga kandidato ha pagkakapitan mahuman nga pusilon hin armado nga grupo ha Barangay Pinanag-an, Borongan City, ha probinsya hiton Eastern Samar.

Guinkilala an biktima nga hi Mario Elpedes, 77 anyos an pangidaron, may asawa ngan residente han mao nga lugar kun diin kaupod an anak hini nga kandidato ha pagka-kapitan nga hi Reymond Elpedes.

Samtang, an suspek in guinsisiring nga grupo hin maabot napulo nga armado nga mga kalalakihan.

Sumala kan PSupt. Columbo Allan Aberia, hepe han Borongan PNP nga may dara nga dako nga kantidad hin salapi an biktima kun diin guintikasan ini han mga suspek ngan dayon nga guinpauranan hin bala hin pusil nag nagresulta han dagmit nga kamatayon hini.

Dugang pa ni PSupt. Aberia nga panikas an motibo han mao nga panhitabo ngan waray daw ini kalabutan ha pulitika.

Samtang, nagpapadayon pa an mahugot nga imbestigasyon han mga kapulisan para masirutan an mga suspek ha mao nga insidente.

Source: Bombo Radyo (web)