Nagdul-ong hin relief nga sundalo ha Samar, Guin-ambush; duha samaran
- 11:29AM / Jayson Macapanas
- Dec 18, 2015
- 1 min read
Makaarawod nga makangaralas kon paghuhunaon ini nga hinabo Sangkay, agree ka ba ha ak?
Kompermado nga samaran in duha nga sundalo mahuman nga pag-ambush-on ha Brgy.Madalunot, Pinabacdao, Samar kanina la han 7:30 han aga, December 18, 2015.
Nakilala an mga nasamaran kan PFC Roel Dalaota, 27 anyos ngan PFC Jay Sercada, 24 anyos.
An mga nasamaran in naka-angkon hin hibang ha lawas pinaagi hin M16 nga pusil.
Ma-swerte naman nga talwas an nasabi nga mga biktima.
Sumala kan Pinabacdao MPS P/Sinsp. Dennis Gatela, tikang ha Eastern Samar an 22 nga sakay han tulo nga 6 by military truck kaupod in pira nga taga DSWD han pauranan hin bala hin maabot napulo nga gintotoohan NPA.
Umabot ha 45 minutos an naguin- balyu-ay hin buto antis umatras an mga rebelde.
Nahibaruan nga an nasabi nga convoy nga in-ambush in tikang ha Eastern Samar ngan tipauli na unta ha Tacloban, kahuman la magdara hin relief goods ha mga biktima han bagyo Nona.
Unta maseguro it kagawasan hin aton mga sibilyan labi na it aton ka sundalohan. May mga nagkokomento ha facebook nga kinakawang la iton guinka-sarabutan nga ceasefire hini nga mga rebelde.
Comments