ABC-president ha Eastern Samar, pireso mahitungod daw ha iligal nga droga
- 5:07PM Jayson Macapanas
- Dec 23, 2015
- 1 min read
Naaresto han mga tauhan han Philippine Drug Enforcement Agency (PDEA) Regional Office-8 kaupod na an Eastern Samar Police Provincial Office ngan Maydolong PNP in usa nga ABC President ha Maydolong, Eastern Samar.
Kinilala an suspek nga hi ABC-President Virgilio Bagas Jr., 43-anyos ngan anay opisyal han NARCOM san-o pa man hini sudlon an pulitika.
Ha gahum han search warrant in guinsalakay han mga otoridad an panimalay han suspek kun diin nakuha in 40 gramo hin shabu, drug paraphernalia ug iba-iba nga klase hin pusil.
Pero, inalmahan naman ini han Mayor han Maydolong ha pagkakadakop han iya kaalyado mahitungod nga usa dawla ini nga political harrassment ug hinimo-himo la han ira kalaban ha politika.
Temporaryo nga naka-pireso an suspek ha Eastern Samar provincial Police Office ha Borongan samtang iguin-aandam pa an kaso ala kontra ha iya.
SOURCE: Mel Caspe / Bombo Radyo
Comments