NPA tumalapas ha una nga adlaw han ira self-declared unilateral ceasefire

Kumbinsido yana it pamunuan han Armed Forces of the Philippines (AFP) nga diri ungod-ungod an pagdeklara han rebelde nga New Peoples Army (NPA) hadton ira self-declared unilateral ceasefire. Ini in kasunod ha mga serye hin pag-atake han mga ini ala kontra ha mga tropa hiton gobyerno.

Ini in pira ka oras matapos mag-take effect an iguideklara nga unilateral ceasefire han Communist Party of the Philippines (CPP) yana nga adlaw, December 23. Kanina la han aga in guinpa-uranan hin bala han rebelde nga grupo an mga sundalo nga Army ha Surigao del Sur. Sumala kan AFP spokesperson Col. Restituto Padilla nga grupo ni Brando Juagpao alias Rodel adton nan-harass ha mga sundalo nga naka station ha lugar para i-facilitate an delivery han mga development programs and services ha komunidad. Siniring pa ni Padilla nga nakapag retaliate na an mga sundalo ala kontra ha rebelde nga NPA. Kinumpirma guihapon han opisyal nga diretso nakapagpalusad hin hot pursuit operations an mga sundalo kontra ha mga umatake nga rebelde ngan ha pira ka oras nga pagtugis in nakasagupa han mga sundalo an mga ini. Sumala pa ha iya, an guinbuhat nga pagtalapas han NPA ha holiday truce in pagpamatood la nga diri seryoso an mga ini ha pagdeklara hin ceasefire. An nasabi nga aksyon in klaro daw nga pagtalapas ha CPP's self-declare unilateral ceasefire. Nagtotoo yana iton militar nga waray plano an CPP-NPA nga igunong an ira guinbubuhat nga harassment ug mga atrocities ala kontra ha mga sundalo nga guinbubuhat la an responsibilidad para maprotektahan an sambayanan. Guinseguro naman han AFP ha publiko nga masunod an militar ha idiniklara nga suspension of military operation (SOMO).

Mahinunumduman nga han nakalabay la nga Biyernes, December 18, 2015 in guin-ambush daman han mga NPA in usa nga truck hin sundalo ha Brgy. Madalunot, Pinabacdao, Samar kon diin duha an nahipatik nga samaran. Nahibaru-an nga may mga upod an nasabi nga truck nga mga opisyales hiton DSWD.

Samtang, kakulop la daman han aga in guinpabuthan han nasabi nga grupo in military disaster response truck didto ha Las Navas Northern Samar kon diin usa an nahisumat nga patay, ngan tulo an samaran.

SOURCE: Bombo Radyo