Utro nga Pag-ambush han NPA ha Samar, guinkundina han AFP

Duro nga guin-kondina han Armed Forces of the Philippines (AFP) an utro nga pag-ambush han New People’s Army (NPA) ha mga sundalo didto ha probinsya han Samar.

Nahibaru-an tikang kan , 8th Infantry Division spokesperson Capt. Isagani Viernes, nga guin-ambush han rebelled nga grupo an military disaster response truck didto ha Las Navas Northern Samar kakulop la han aga.

Sinisiring nga tipakadto an tropa han militar Las Navas sakay in unom nga miyembro hini para maghatod hin mga ekepahi para ha usa nga Agro-Industrial School ha nasabi nga lugar tigda nga pabuthan ini han mga rebelde.

Kinumpirma naman ni Captain Viernes nga usa an namatay tikang ha parte hiton kasundaluhan tulo naman an samara ha insidente.

Ha pagka yana in waray anay maghatag hin ngaran han mga biktima hi Viernes mahitungod nga waray pa ini maipahibaro ha mga pamilya.

Ha luyo hini in guinseguro naman ni Viernes nga diri maapektuhan an ira guinbubuhat nga operasyon ilabi na an paghahatag hin ayuda ha mga biktima han bagyong Nona ha Northern Samar.

Mahinunumduman nga han nakalabay la nga Biyernes, December 18, 2015 in guin-ambush daman han mga NPA in usa nga truck hin sundalo ha Brgy. Madalunot, Pinabacdao, Samar kon diin duha an nahipatik nga samaran. Nahibaru-an nga may mga upod an nasabi nga truck nga mga opisyales hiton DSWD.

SOURCE: Mel Caspe/facebook