Top 7 Drug Listed Personalities ha Dolores, arestado!
- 8:56AM Jayson Macapanas
- Dec 29, 2015
- 1 min read
Arestado pinaagi ha guintig-ub nga pwersa han PDEA-RO8, MAIDSOTF, Dolores Municipal Police Station (Dolores-MPS) ha pangunguna ni P/SInsp Alex Robin in maglive-in partner.
Guin-raid an guinsasak-an han mga suspetsado ha Brgy. 2, Dolores, Eastern Samar pinaagi ha gahom han search warrant nga dara han mga otoridad.
Kinilala han Dolores MPS an mga naarestado nga hira Clarissa Roncal Rodeles alyas "Lala", 38, ngan Rolando Obina Magno alyas "Singkol", 30, pareho waray trabaho.
Nakuha ha paghihirot han mga naaresto in magkalain-lain nga mga drug paraphernalias sugad hin 15 small heat sealed sachet hin guintutuuhan shabu; 1 medium size sachet hin guintutuuhan cocaine; 1 unit hin cal. 45, nga may 14 kabug-os nga bala ug 2 nga magazine hini; 1 unit hin cal. 38 nga may 2 nga ammos; 2 Cherry Mobile tablet; 1 Asus Netbook; Flashdrive (USB); Pocket WiFi; 18 units hin mobile phone; ngan 4 units hin motorcycles.
Nakadetaine ha pagkayana an mga naaresto ha Dolores lock-up cell samtang guin-aandam han mga otoridad in magkadiru-dilain nga kaso ala kontra ha mga ini.
SOURCE: Dolores MPS Facebook / Luisidro Bong Moscosa
Comments