Second-hand smoke, hinugdan hin sakit nga cancer ha mga hayop?

Gumawas yana Sangkay ha usa nga pag-aram a University of Glasgow nga maraot iton epekto hiton second-hand smoke ha aton mga inataman nga hayop ha panimalay partikular na ha mga ayam nga uding. Guinbuhat an pag-aram ha usa nga Scottish institution kun kun diin nahikit-an nira nga an mga hayop nga nabubuhi ha aso hin sigarilyo tikang ha ira palibot in mas dako an tyantsa nga magkamay-ada hin problema ha panlawas. Kausa na hini an pagkakamay-ada hin animal cancer, cell damage ngan pagtaas hiton timbang. Sumala kan Clare Knottenbelt, usa nga animal medicine professor ug oncology, may pipira nga mga amo daw nga paru-pareho hin diri guinhuhuna-huna iton magigin-epekto hit paninigarilyo ha atubangan hiton ira mga inataman. Guintagan hin doon pa niya nga iton exposure ha aso hin sigarilyo may direkta nga epekto ha mga hayop. Usa ha ira mga nahibaruan in an cell damage nga nakita ha mga guin-kapon nga ayam. An mga ayam nga ini in nahisumat nga nanginabuhi ha palibot hin may mga naninigarilyo. Nakatalaan naman nga i-published an kabug-usan han ira research ha masunod nga tuig.

PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:

Kuya Jayson M.

Balyu-an ni Kuya "Jayson M."

SOURCE: Bombo Radyo