No. 9 Most Wanted arestado ha Calbiga, Samar

Arestado han mga elemento han Calbiga Municipal Police Station (Calbiga MPS) in Number 9 Most Wanted para hini nga tuig 2016.

Pinaagi han operasyon nga pinangunahan ni PSInsp. Serrano A. Robediso, Jr. kaapi hira SPO4 Leo B. Ygbuhay, SPO4 Roy O. Agbon, PO3 Romulo A. Baccol, PO2 Romulo M. Tabique, Jr., PO2 Patrick C. Madalina, PO2 Ernesto A. Yu, Jr., PO1 Reynaldo M. Grata, PO1 Wilbert R. Relente & PO1 Paraiso F. Cecelio, Jr., in naaresto an wanted ha kaso nga 'frustrated murder'.

Guinkilala an arestado nga hi Leo Sonny Dacut Macase nga kilala guihapon kumo "Sonny", single, waray trabaho ngan residente han Barangay Malabal, Calbiga, Samar.

Naaresto hi Macase pinaagi ha gahom han warrant of arrest nga iguinpagawas ni Hon. Janet Cabalona, presiding judge han RTC Branch 33, han Calbiga, Samar nga may Php200,000.00 nga bailbond.

Ha pagkayana in nagpapabilin ha kustodiya hiton Calbiga MPS an naaresto ug ibabalhin naman ini ha 'court of origin'.

Nahinabo an operasyon nga nagresulta ha pagka-aresto kan Macase hadton ika-7 han Enero, 2:40PM.

PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:

Kuya Jayson M.

Balyu-an ni Kuya "Jayson M."

SOURCE: CalbigaMps WSamar MostWanted