OFW Credit Assistance Program, suportado ni Evardone

Suportado ni Eastern Samar Representative Ben Pagaran Evardone iton House Bill 4985 nga nagtitinguha nga paghimuon in credit assistance program para ha mga Overseas Filipino Workers (OFW).

Ha ilarom han nasabi nga proposal, an Overseas Workers Welfare Administration (OWWA) in maggagarantiya hin loan nga P50,000 ha usa nga OFW nga may ada valid employment contract nga guinproseso ha lisensiyado ug POEA-accredited recruitment agency.

"This program should encourage OFWs to go through POEA accredited agencies instead of illegal recruiters," sumala kan Evardone.

Iguindugang pa ni Evardone nga an loan in naka-alutaga unta ha mga gastuson han pamilya nga binyaan han OFW o di man panbayad ha recruitment expenses, kapareho nala hiton placement fees, documentation costs, ug plane tickets.

Sumala ha kasuguanan han nasabi nga bill, 6% it annual interest ha pag-loan nga kinahangalan mabaydan ha sulod hin usa ka tuig.

AN loan in magtitikang ha opisina hiton OWWA Trust Fund; salit, an magigin-income ha transaksiyon in mahingangadto man daman ha nasabi nga pondo.

An proposal guihapon in maghahatag hin katugutan ha OWWA nga pahatas-on ha P50,000 maximum ceiling agud nga ma-cover iton anuman nga pagtaas durot hiton infalation.

"I hope Senate will find time to approve this proposal before the 16th Congress finally ends," siring pa ni Evardone.

PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:

Kuya Jayson M.

Balyu-an ni Kuya "Jayson M."

SOURCE: MARK O. ALIDO