8 nga Bungto dinhi ha Eastern Samar kaupod ha haros 50 nga aada yana ha election watchlist han pulis
- 4:33AM Jayson Macapanas
- Jan 12, 2016
- 1 min read
Maabot ha 44 nga bungto dinhi ha Sinirangan Visayas an guintudlok han Police Regional Office-8 kumo mga lugar nga ipapailarom ha election watchlist.
Ha nasabi nga record, 15 hini in tikang ha Samar, 12 ha Leyte, siyam ha Northern Samar, walo ha Eastern Samar ug usa naman ha Biliran.
Sumala kan S/Supt. Brigido Unay, chief of the Police Regional Intelligence Division, an nasabi nga mga lugar in pirmi daw aada ha election watch han mga nakalabay nga eleksyon.
Partikular na hini an siyudad han Calbayog ug ngatanan nga bungto han 1st Legislative District han Samar sugad hiton Almagro, Gandara, Matuguinao, Pagsanghan, San Jorge, Santa Margarita, Santo Niño, Tagapul-an, ngan Tarangnan, Hinabangan, Paranas, Pinabacdao, San Jose de Buan, ug Tarangnan.
Kaupod guihapon an Baybay ngan Ormoc City, Bato, Inopacan, Kananga, Matag-ob, Tabango, San Miguel, Albuera, Burauen, Carigara, ngan Jaro, Leyte.
Samtang, dinhi naman ha Eastern Samar in upod ha election watchlist an Arteche, Taft, Can-avid, Dolores, Hernani, General MacArthur, Jipapad ug Quinapondan.
Ha Northern Samar an Bobon, Catubig, Mapanas, Mondragon, Palapag, San Isidro, Gamay, Las Navas, Lavezares, Lope de Vega, Pambujan, Capul ngan Victoria ug Kawayan ha Probinsya hiton Biliran.
Ini nga mga lugar in ikinukonsidera nga makusog iton political rivalry, hataas iton kaso hin election-related violence ug may mga presensiya hin private-armed groups o tinatawag nga PAGs.
PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:
SOURCE: Bombo Radyo
Comments