Evadone, plano paki-estoryahan hi Gov. Nicart, igkasi Samar Island Congressmen ha pag-drumbeat hin &

Hingyap yana ni Representative Ben Pagaran Evardone nga maka-estorya ug pag-estudyuhan nira ni Governor Conrado 'Aklan' Nicart, Jr. in panguna ug pagtikang ha pagtrabaho agud nga makuha in bulag nga Samar Island Region.

Guinsiring ni Congressman Evardone nga iya yana plano nga maka-meeting ug maka-estorya in igkasi mambabalaud nga Samareño ha pagbalik hiton sesyon yana nga bulan mahuman an Christmas Break ug paghisgutan in usa nga inisyatibo nga magtitindog hin bulag nga agricultural region para ha Isla hiton Samar.

Ngan kun magka-estorya na hira ni Governor Conrado "Aklan" Nicart, Jr. in guinlalauman ni Evardone nga kakaestoryahon man daman ni Nicart an igkasi 2 pa nga Samar Governors mahitungod ha inter-province emergency response.

"A separate agricultural region for Samar island will certainly fast-track our goal of having a One Samar Region," eksplikar ni Evardone.

Sumala pa kan Evardone nga an agricultural resiliency ug sustainable development in makakab-ut ha di maiha nga panahon ha pagkahimo hin bulag nga rehiyon ha Samar.

"When typhoon Yolanda struck our southern towns, Governor Nicart and I realized the need to set aside our political differences and work together. When typhoon Ruby came, our unity was tested. We had minimal casualties, rehabilitation works became faster. Then, we were able to invite and make President Aquino come visit the small town of Arteche," siring ni Evardone.

"The recent typhoon Nona made us realize that the island of Samar has become a typhoon route and we need to establish immediately an inter-province cooperation."

Dako iton pagtapod ni Congressman Evardone nga bisan iton Leyte congressmen ngan governors in maabuyon hini nga inisyatibo nga magtitindog hin bulag nga agricultural region para ha Samar Island tungod kay iton yana regional office magkakamay-ada hin mas damo nga panahon ug makaka-focus exclusively ha mga agricultural concerns hiton Leyte.

PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:

Kuya Jayson M.

Balyu-an ni Kuya "Jayson M."

SOURCE: MARK O. ALIDO