No. 4 Most Wanted ha Maydolong, arestado han Maydolong MPS

Arestado in ika-4 ha napulo nga 'Most Wanted Person ha bungto htion Maydolong ha pagsulod la hini nga bag-o nga tuig.

Mag-aalas tres han kulop han ika-6 hini nga bulan han Enero han pangunahan ni PSI Jerome Balios Camacho, Officer In-Charge han Maydolong Municipal Police Station kaupod in napulo nga elemento han nasabi nga buhatan in 'Oplan Tracker' nga resulta hann mas pinakusog nga intel driven operation ngan networking ha Lambat Sibat Vlolunteers/BINS.

Mahitungod ha nasabi nga operasyon in naaresto na in usa pa ha 10 nga mga wanted han Maydolong.

Kinilala an naaresto nga hi Nerio Obina Bajado, Jr., kilala guihapon kumo "Kiram”, 23 anyos, single,waray trabaho, ngan residente han Brgy 07, Poblacion, Maydolong Eastern Samar.

Nahidakpan mismo hi Kiram ha sulod han panimalay hini ha Lapu-Lapu Street, han nasabi nga Barangay.

Inaresto hi Bajado han Maydolong MPS pinaagi ha gahom han warrant of arrest nga iguinpagawas ni Hon. Hermelino M. Pilola, MCTC Maydolong/Balangkayan ha ilarom han criminal case number 3091 ha kaso nga 'theft' kun diin Php10,000.00 an rekomendado nga piyansa para ha iya temporaryo nga kagawasan.

Mahuman an guinbuhat nga booking ngan documentation han kapulisan in guin-pasa an suspetsado ha court of origin.

PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:

Kuya Jayson M.

Balyu-an ni Kuya "Jayson M."

SOURCE: Maydolong MPS