PNP todo bantay yana ala kontra ha private armed groups ha Samar

Tinututukan na yana hiton Police Regional Office-8 in pito nga mga private armed groups (PAGs) nga nahisumat nga nagius ha bug-os nga probinsiya hiton Samar.

Kausa hini dinhi in an kinikilala nga Montealto group, Montealto breakaway group, Sta. Margarita group, Boloboco, The Matuguinao group ug an Gandara group.

Maabot ha 39 nga mga PAG members an guinbibiling hiton mga kapulisan ug duha hini dinhi in naaresto na.

Mahitungod hini in iguinsugo na han panibag-o nga director han PRO-8 nga hi C/Supt Jose Erwin Villacorte nga magmay ada hin sustained police operation kun diin mino-monitor an mga PAG ug pira pa nga armado nga mga sibilyan nga posible maguin-makaurulang ha pagiging-tuhay ha natikaharani nga eleksiyon.

Nag-deploy na guihapon hin 300 nga mga pulis ha iba-iba nga probinsiya ug siyudad ha rehiyon para ha seguridad ha mga bungto nga itinutudlok nga aada yana ha ilarom hiton election watchlist.

Nakikipag koordinasyon na guihapon an Commission on Elections Region-8 ha mga kapulisan ug militar para ha mahimyang nga pinili-ay.

Target guihap in maabot ha 13,000 nga mga loose firearms ug maabot ha 158 nga mga indibidwal nga may kapot han mga unlicensed guns.

Dinhi ha Sinirangan Visayas in may-ada 2,698,000 nga botante tikang ha 3,772 voting centers.

PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:

Kuya Jayson M.

Balyu-an ni Kuya "Jayson M."

SOURCE: Bombo Radyo

Pilipino Star Ngayon (Images)