Ex-Eastern Samar solon "Doloy" nakitaan hin probable cause han Ombudsman, re: PDAF Scam

Nakitaan hin probable cause han Ombudsman hi anay Eastern Samar representative Teodulo “Doloy” Coquilla nga salawdan ini hin kaso rmahitungod ha naguin-involvement ha Priority Development Assistance Fund o PDAF scam.

Sumala ha Ombudsman nga hi Coquilla in nsalawdan hin tagduha nga ihap ha Malversation ngan violation ha Section 3(e) han Republic Act No. 3019 para ha iya naguin-partisipasyon ha PDAF scam.

Dugang pa han Ombudsman nga hadton October 2007, hi Coquilla in kumarawat hin P5 million kumo kaparte han iya PDAF para ha pagpalit hin mga instructional materials ngan seedlings.

Guinsiring daman han ahensiya nga sumulod daw hi Coquilla ha usa nga Memorandum of Agreement, nga nagkikilala ha National Agri-Business Corporation (Nabcor), kumo implementing agency ug an GABAYMASA kumo NGO-project partner.

Nagtawag an nasabi nga proyekto ha pag-procure hin 32,887 nga calamundin, rambutan, chico ug mango seedlings, ngan 10,470 nga mga instructional materials nga unta para ha iya mga constituents ha mga bungto hiton Dolores, Maslog, Jipapad, Lawaan ug Guiuan.

Iguinpakita han dukomento nga pumerma hi Coquilla ha Certificate of Acceptance ngan Acknowledgment Receipt para ha nasabi nga proyekto.

Magkadiano man in iguinpagawas han imbestigasyon nga may ada dako nga naguin-pagtalapas ha procurement rules tungod kay an mga supplierin diri rehistrado kumo business entities, ug waray guihapon ungod nga mga address.

Nadiskubre ha guibuhat nga pag-espiya nga iguinpatuman han Field Investigation Office nga an supplier han seedlings in usa nga garden shop nga nagbabaligya hin mga bato, pebbles, grass ngan landscaping services.

Nahibaruan guihapon ha imbestigasyon nga an supplier naman para ha instructional materials in nahimumutang ha usa nga residential area ug nagbabaligya hin mga car batteries ngan wheel interiors.

Pahayag han Commission on Audit (COA), an Ombudsman in nagsiring nga “no fruit seedlings or instructional materials (were) distributed to beneficiaries” and “at the time material to the charges, the suppliers did not possess the required accreditation to transact” as it had no track record in project implementation.”

Siring ni Ombudsman Conchita Carpio Morales, nga hi Coquilla in amo an “accountable officer” tungod nga hiya an “the legislator responsible for the control and/or disposition of funds, drawn from his PDAF allocations”.

PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:

Kuya Jayson M.

Balyu-an ni Kuya "Jayson M."

SOURCE: INQUIRER.net