Business Ops guinlala-uman ha Salcedo ha pagsulod hiton LTE Home hiton Globe Telecom

Guinaaghat yana ni Salcedo Mayor Melchor Llego Mergal iton mga Salcedonhon ug bisan pa man mga negosyante tikang ha iba pa nga bungto dinhi ha aton probinsiya nga mag-invest ha Salcedo.

Ini in kasumpay han iya anunsiyo nga mag-i-install na hin LTE Home iton Globe ha ira bungto.

Sumala pa ha iya, an tiarabot nga installation hiton LTE Home hiton Globe in nangangahulugan guihap hin opurtunidad pannigusyo.

Dugang pa han Mayor nga usa ha kinikitaan nga maguiguin-patok nga negosyo yana ha ira dapit in ha Computer services tungod nga sumala ha iya in may ada 4 nga high school iton Salcedo, 33 nga Elementary Schools ngan usa nga unibersidad, an ESSU nga nanginginhanglan hin internet researches.

Guintagan pa hin doon ni Mergal nga ha yana nga panahon ilabi na ha mga estudyante, kinhanglanon na gud an access ha internet ha mga desktop computers kun diin hapagka yana in waray iton Salcedo.

Pagdasig pa han Amay han bungto nga yana, kun ma-instolar na ini nga bag-o nga serbisyo hiton globe in diri na kikinahanglan nga magsingadto ha Guiuan o madanay pa dinhi ha Borongan o Tacloban i usa nga estudyante para makagamit hin computer ngan magka-ada koneksiyon ha internet.

Iguinpatapod naman ni Mayor Mergal in pagbulig ha mga negosyante may pagsumpay ha ira mga permit.

Sumala pa ha iguin-share ni Mergal nga impormasyon ha iya personal facebook account nga labot la ha na una na nga business oppurtunity, iya guihapon iguinsumat in lain pa nga opurtunidad sugad hiton 'Bayad Center', Lodging Houses, Restarants, hotels, ngan damo pa nga iba.

"The LGU (Salcedo) will be very happy to serve and assist you. Invest now for Salcedo", sumala ha facebook post ni Mayor Mergal.

PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:

Kuya Jayson M.

Balyu-an ni Kuya "Jayson M."

SOURCE: Melchor Llego Mergal/Facebook