Evardone iguinduduso in 'FASTTER' Advocacy

Ginsuportahan ni Eastern Samar Congressman Ben Pagaran Evardone an inisyatibo nga an panuyo in maghatag Grants tikang ha Gobyerno para hin paghimo hin model programs nga magtitinguha paghatag hin age-appropriate nga pagtutdo hin science and technology tikang ha pre-school nga kabataan.

"Ine nga inisyatibo in kaparte han akon prayoridad nga Filipino Advancement in Science and Technology Thru Educational Reinforcement o FASTTER Advocacy," sering ni Evardone.

Sering ni Evardone kinahanglan hin agap nga paghatag suporta ha edukasyon, labi na gud ha bahin ha science and technology, para agap madikobrehan an interes ha science and technology hiton kabataan, ngan makitaan kun hin-o nga bata iton hataas an potensyal nga maging scientist ngan matagan kaangayan nga suporta.

"If United Kingdom can produce a 13-year old Jamie Edwards and turn him into an 'amateur nuclear scientist', there is no reason the Philippines cannot," sering ni Evardone.

Kaupod han Congressman Evardone FASTTER Advocacy an pagsiguro nga an Gobyerno Nasyunal maghatag kinahanglanon nga pagsuporta sugad han:

1. Paghatag financial support ha mga Pilipino nga napasar ha mga sikat nga mga science and technology universities ha abroad;

2. Paghatag financial support para hin mas halarum pa nga pag-aram (o further studies) han mga Filipino scientists;

3. Paghatag hataas nga sweldo ngan iba pa nga prebilihiyo ha mga Filipino scientists labi na gud adton mga empleyado han Gobyerno;

4. Pagsiguro nga an pondo nga iginbutang ha Department of Science and Technology o DOST in ginagamit ha eksakto nga panuyo;

5. Pagsuporta ha mga scientific research and development activities nga nasubay han mga balaud ngan mga panuyo han Gobyerno.

Nakalukop ha House Bill 2483 an inisyatibo nga an panuyo in maghatag Grants tikang ha Gobyerno para hin paghimo hin model programs nga magtitinguha paghatag hin age-appropriate nga pagtutdo hin science and technology tikang ha pre-school nga kabataan.

An panuyo hine nga House Bill an paghatag ha mga preschool teachers hin training programs nga an direksyon in makagamit ine nga mga teachers hin mga estratehiya nga maghahatag hin age-appropriate science activities ha mga kabataan agud humataas pa an interes han kabataan ha science and technology.

An nasabi nga House Bill in gineestudyuhan pa ha Committee on Science and Technology ha Konggreso.

PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:

Kuya Jayson M.

Balyu-an ni Kuya "Jayson M."

SOURCE: MARK O. ALIDO