Wanted ha kaso nga illegal gambling, arestado han BCPS

Usa pa nga malinampuson nga operasyon han OPLAN Tracker Manhunt Charlie an naipatuman han Borongan City Police Station (BCPS) hini la nga pagsulod han bag-o nga tuig, 2016.

An nasabi nga operasyon in kasumpay la guihapon han 4 focused crimes nga nahinabo hadton Enero 16, 2016, napulo ka adlaw matapos maaresto guihap in usa nga suspetsado ha pagtalapas ha PD 1866 didto ha Barangay Maypangdan, Borongan City Eastern Samar ha pangunguna ni PO3 Norman C Beato.

Yana, ha Barangay "F", Borongan City naman guinbuhat an operasyon kun diin ensakto alas 9:50AM han kadtuon han kapulisan an nasabi nga lugar ha nga nagresulta ha pagka-aresto hin usa nga wanted nga lalaki nga guinkilala kan Antonio Canales y Beros, aada ha legal nga pangidaron, inasaw-an ug residente han Sitio Nabiyawan, Brgy. Sabang Suribao, hini nga ciudad.

Ini in pinaagi naman ha operasyon nga pinangunahan ni PO3 Norman Beato kaupod in 5 pa nga mga PNCOs.

Guin-aresto hi Canales pinaagi ha gahum han warrant of arrest nga iguin-pagawas Hon. Judge Nathaniel Baldono han RTC Branch 2 may kalabutan ha kaso nga pagtalapas ha Presidential Decree 1602 (illegal gambling), nga may rekumendado nga piyansa nga Php10,000.00 para ha temporary nga kagawasan.

Hadton Enero 18, 2016, duha ka adlaw mahuman hiya Canales maaresto, ala una han kulop, an nasabi nga suspetsado in iguin-turnover ha court of origin ngan nakapag-piyansa hin dyes mil (Php10,000.00) para ha iya temporaryo nga kagawasan ug guin-discharge pinaagi ha kasugu-anan nga iguinpagawas ni Hon. Judge Nathaniel Baldono han RTC Branch 2

Samtang, pinangunhan naman ni PSupt Matthe L Aseo, COP an BCPS personnel ha ira guinbuhat nga information dissemination pinaagi hin pag-set-in ha DYES Radyo ng Bayan Borongan ngan 89.7 RVFM. Hira guihapon in nag-post ngan nanhatag hin mga IEC materials may kalabotan ha PNP Recruitment Program, Metrobank Search for Country's Outstanding Police Officer in Service (COPS) ngan SAFE 2016.

PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:

Kuya Jayson M.

Balyu-an ni Kuya "Jayson M."

SOURCE: Borongan Pulis