Evardone: P-Noy's Legacy? "Trustworthy, competent, world-class next-gen Filipino workforce&

"Usa han mga katatapuran (trustworthy), may aram ha trabaho (competent), ngan birilngon (sought-after) nga Overseas Contract Worker (OCW) o skilled workers ngan pwede naton ighambog (we can be proud of) ha bug-os nga kalibutan."

Ine an pagkita (o description) ni Liberal Party leader ngan Eastern Samar Congressman Ben Pagaran Evardone ha mga OFWs ngan skilled workers ha tiarabot nga mga tuig o henerasyon.

"Tungod ine han kanan Administrasyon Aquino makusog nga paniguro nga magkaada mas maupay ngan repormado nga sistema hin pag-aradman labi na gud ha technical-vocational nga kurso ngan kolehiyo, nga gintagan hin bug-os ngan sinsero nga suporta han mga magbabalaud ha 16th Congress," duon ni Evardone, nga nalingkod komo Vice Chairman han Committee on Appropriations ha Konggreso. Sering ni Evardone, nahimugso han panahon ni Presidente Benigno S. Aquino III ngan 16th Congress an mga palisiya nga magsisiguro han paghatag hin dekalidad nga edukasyon ngan maghihimo han mga Filipino workforce nga world-class workers ha tiarabot nga panahon.

"Worthy of mention are Republic Acts Numbered 10647, 10648, 10650, and 10687," dugang pa ni Evardone.

"An Republic Act 10647 nagbutang han hinagdan (o ladderized) nga programa hin pag-aram ha technical-vocational (tech-voc) training kun diin an estudyante han tech-voc in tatagan hin grado ha iya mga training pareho han grado nga iya makukuha kun hiya naka-enrol ha kolehiyo," sering ni Evardone.

"Karuyag sidngon, an usa nga electrician nga mayda kredito ha training matatagan tsansa paggradwar komo usa nga electrical engineer, nga diri na kinahanglan mag enrol ha kolehiyo ha pareho nga subject. Ha sugad man nga bahin, pwede an usa nga estudyante ha kolehiyo hin electrical engineering nga kurso maging electrician nala anay bisan kun diri na hiya magtraining ha tech-voc nga paagi," sering ni Evardone.

Panuyo han nasabi nga ladderized interface education an pagwara han hataas nga skills-to-job mismatch.

Samtang, an Republic Act 10650 in nagtindog han Open Distance Learning ha kolehiyo para han mga tawo nga nabibisangag, ha trabaho, ha panimalay, o kun hin-o pa man nga haros waray na oras para hin pormal nga pag-aram ha kolehiyo, labi na gud an mga OFWs nga waray makatungtong o makatapos ha kolehiyo.

"Gamit an kinabag-o nga teknolohiya sugad han email, o internet media, makakapag-aram na ha kolehiyo, lagas man o bata, nga diri na kinahanglan magsulod-sulod ha eskwelahan kada adlaw," sering ni Evardone.

Hataas an paglaum ni Evardone nga an OFWs in makatagamtam han benepisyo hatag han Open Distance Learning, ngan tungod hine mag-abre pa ha iya hin mas damo nga oportunidad ha kinabuhi pinaagi hine nga programa, ngan makahatag ha iya hin mas hataas nga sweldo.

"Labot pa hine," sering ni Evardone, "ginsiguro han Administrasyon Aquino ngan 16th Congress an pagkamay-ada bastante nga pondo para han ayuda pinansyal ha mga tawo nga waray, o kulang, an kwarta pan-iskwela, pinaagi han pagpasa Republic Act 10648 ngan Republic Act 10649."

An Republic Act 10648 nagmamando han paghatag scholarship grants ha mga top graduates ha ngatanan nga public high school nga karuyag mag-aram ha State Universities and Colleges (o SUCs).

Samtang, an bag-o nga balaod, kun tawagon 'UniFAST Law' (Republic Act 10649), nagpundar hin usa nala nga sistema o programa hin paghatag scholarships, grants-in-aid, para ha kolehiyo, o bisan teknikal nga pag-aram sugad han TESDA, student loans, o kun ano man nga programa ha parte hin pag-aram ha kolehiyo, ma-pampubliko man o pribado nga unibersidad o kolehiyo, kun diin an pondo tikang ha gobyerno nasyunal nga iginbubutang ha partikular nga ahensya, ngan igin-iimplementar hine.

"Kami ha Konggreso, labi na gud an aton Partido Liberal, in hataas an pagtuo nga an gobyerno makakapagpadayon hine nga mga maka-pobre ngan makatawo nga mga bag-o nga balaud ha pag-aram ha kolehiyo o ha teknikal nga skwelahantungod han padayon nga paghataas han ekonomiya han aton nasud Pilipinas," sering ni Evardone.

"Sanglit, dako nga honor ngan pribilehiyo para ha akon nga kaparte ako han Committee on Appropriations ha 16th Congress, ngan kaapi ako han kan Team PNoy Partido Liberal nga panunundon ni Secretary Mar Roxas," sering ni Evardone.

Hi anay DILG Secretary Mar Roxas an kandidato pagka-Presidente han Partido Liberal yana nga 2016 nga piniliay.

PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:

Kuya Jayson M.

Balyu-an ni Kuya "Jayson M."

SOURCE: MARK O. ALIDO