P1.2M para ha ‘Pantawid’ beneficiaries nga guin hold-up; Pulis, nagtutuu nga an insidente in usa nga

Maabot ha 498 nga active members ha maabot 600 ng myembro-beneficiary han Pantawid Pamilyang Pilipino Program (4Ps) ha bungto hiton Maslog dinhi ha aton Probinsiya (Eastern Samar) in diri na makakakarawat han ira kinabulan nga cash assistance para ha mga urhi nga bulan hiton 2015. (Bong Moscosa)

Ini in mahuman nga madara hin duha nga mga hold-uppers an kwarta nga nagkakakantidad hin P1,204,300.00 nga naka-alotaga ha mga 4Ps recipients .

Nahinabo an nasabi nga insidente hin hold-up alas syete han aga hadton ika 21 hini nga bulan, Enero kun diin nakuha an nasabi nga kantidad tikang ha mga kamot hin duha nga merchant han 4Ps nga taga Merida, Leyte an babae ug taga Ormoc naman an lalaki.

Una na nga nahisumat nga kan Janet Bula, usa nga empleyado han Department of Social Welfare and Development region 8 nakuha an nasabi nga kantidad. Pero ha pinakaurhi nga impormasyon nga aton nakuha in payroll la han mga 4Ps beneficiaries an dara ni Bula.

Nagbibiyahe tipakadto ha Maslog an grupo sakay hin usa nga pump boat han mahinabo an robbery.

Guinsumat ni chief of the Police Community Relations of Police Regional Office-8, Senior Superintendent Eleazar Igloso nga sakay ha bulag nga pump boat an duha nga armado nga kalalakin-an ug nakasul-ot hin bonnets ngan tigda nala nga bumalabag ha sinasakyan nira Bula ug dida na nagdeklara hin hold-up kun diin nakuha an dara nga kwarta han mga ini.

Naaresto naman in duha nga suspetsado mahuman an guinbuhat nga follow-up operations han kapulisan.

Kinilala an mga ini nga hira Ronilo Rivera ug Benjamin Bagas, pareho residente han Barangay Taboc han Borongan City.

Samtang, 2:30 han kulop in guin-aresto han kapulisan ha Barangay Malinto, ha bungto hiton Dolores Eastern Samar hi Rolito Amongo, 36 anyos, ug nahisumat nga common-law husband ni Bula. Ini in mahuman nga pakadtoon ni Bula hi Amongo ha lugar nga unta nagpapabulig dara han ira sitwasyon. Pero han makaabot hi Amongo in tigda ini nga guintudlok ni Rivera nga daw usa hiya ha ira upod kun diin amo an ira sasakyan tipakadto ha Borongan.

Samtang, an guintutudlok nga may pakana, mastermind ngan financer han panhohold-up in hapagkayana padayon pa nga guinbibiling han kapulisan nga hi Romeo Voces nga tag-ada hiton RV Autoshop ha Barangay Tabunan. Nahisumat nga hi Voces an naghatag kanda Rivera ngan Bagas hin allowance ug ipinalit hin pumpboat.

Kabug-usan nga P654,000 nga cash an nakuha tikang ha mga suspetsado kon diin 640 mil hini in nakuha tikang kan Rivera kalakip na in kalibre .45 nga pistola nga may magazine nga puno hin bala, ug an 14 mil naman in tikang kan Bagas. Narekober guihap ha nasabi nga operasyon in usa nga motorsiklo ug sakayan pandagat.

Guindara diretso an grupo han mga suspetsado ha Dolores Municipal Police Station ug guinkuhaan hin mugshot nga iguinpailarom ha booking proceeding.

Ha guinbuhat nga inquest proceeding in pormal nga iguinsalawad ala kontra kanda Rivera, Bagas ngan Amongo in criminal nga kaso para ha robbery ug pagtalapas ha election gun ban ha Provincial Prosecutions Office han Eastern Samar.

"This is however a stern warning to those in the government holding huge amount of money that are being transported to always seek for security assistance from police authorities for a more secure and safe situation because we are talking here of millions of pesos that were taken," siring ni Igloso.

Guinseguro naman, ha iya parte, ni DSWD Region-8 Director Restituto Macuto, an publiko nga diri papalabyon in anuman nga posibilidad nga sumpayan hiton iya empleyado ha pagbuhat hin krimen.

Samtang, ha luyo nga nagpapadayon pa iton imbestigasyon, in dako naman yana it pagtoo hiton mga Police investigators nga usa nga inside job an nasabi nga insidente ha pagkunsidera nga ka live-in partner ni Bula hi Amongo.

Pinili naman nga diri nala salawdan hin kaso an guinrentahan hin P500.00 nga driver hin motor nga taga Dalid, Oras tungod ha testimonya hini nga waray hiya kaaram-aram nga an iya ngay-an isasakay in mga nan hold-up.

PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:

Kuya Jayson M.

Balyu-an ni Kuya "Jayson M."

SOURCE: TheFREEMAN / Additional Info&Photo: Luisidro Bong Moscosa