Lola pinatay han iya kalugaringon nga Apo

Patay nga lawas na han mahikit-an in usa nga 70 anyos nga Lola ha kabanwaan harani ha ira kalugaringon nga panimalay ha Barangay Rawis, Can-avid Eastern Samar kakulop la.

Guinkilala han PNP Can-Avid Police Station an biktima nga hi Rosita Abilong, 70 anyos, biyuda ug residente han nahidabihan nga barangay.

Samtang, nahibaruan nga mismo Apo naman hini an suspetsado nga guinkilala kan Melchor Robin Adel, 21 anyos, waray trabaho ngan naka-ukoy ha Barangay Rawis, Can-avid Eastern Samar.

Sumala ha una nga imbistigasyon han PNP Can-avid, nawawara an biktima san-o pa man mag New Year ngan dinhi na nahibaru-an han pagbilngon han kalugaringon nga anak tungod nga waray ini magsingadto ha ira han Bag-o nga Tuig.

Dinhi na nakita an patay nga lawas ni Lola Rosita nga diri gud harayo ha ira panimalay nga tadtad hin buno an lawas han biktima ug waray na guihap bado ngan nakita an panty hini nga iguinpakaon han suspect ha biktima.

Dugang pa han imbistigador nga posible guin-rape anay han suspect an biktima san-o pa ini pinatay tungod ha mga nakita nga tigaman ha biktima.

Ha guinbuhat naman nga follow-up operation han Can-avid PNP, nahuli an suspect didto ha bungto na han Maslog Eastern Samar kakulop pinaagi han Cellphone han biktima nga guindara han suspect ha pagtakas ug gamit na han suspect.

Han tawagn naman ini hin usa nga police nga nagkunwari kumo kumpare han suspect ngan pinakianhan kun hain hiya hadto nga mga oras in dinhi na nahibaru-an nga ha Bungto na han Maslog nagtatago an suspect ha balay han iya bugto.

Diretso naman nga nakipag-sumpayan an Can-avid PNP ha Maslog PNP ngan dinhi na nadakop an suspetsado.

Ha naguin-pamakiana han REMATE ha suspect in guin-amin naman niya an iya guinbuhat nga pagpatay ha iya kalugaringon Lola. Sumala ha iya, pagbulos dawla niya an iya pagpatay mahitungod ha guinbuhat nga pagmalupiti ha iya han bata pa hiya.

Dugang pa han suspect ngg han makita niya an iya lola mahuman hira mag-irignom han iya mga barkada in dinhi na daw namuo an tinde han iya pag-isug ngan diretso niya nga pinagbubuno an biktima.

Ha pagkayana in nakapireso an suspect ha PNP Can-avid lockup cell samtang guinhuhulat an kaso nga isasalawad han mga paryente han biktima al kontra ha suspetsado. MEL CASPE

PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:

Kuya Jayson M.

Balyu-an ni Kuya "Jayson M."

SOURCE: MEL CASPE