Evardone ha mga LGUs: Ipan-rehistro iton mga Skills, Talents, ngan Profession hit iyo mga constitue

Nanawagan yana hi Eastern Samar Representative Ben Pagaran Evardone ha City ug Municipal LGU officials nga pag-adman, i-localize ngane-expand adton coverage han House Bill 6285 pinaagi hin pagsalawad hin kaangayan ug kapareho nga Ordinansa bisan diri na hulaton an nasabi nga balaudnon nga maguin-balaud.

Nagtitinguha an House Bill 6285 nga magtindog hin pan-rehistro hiton mga skilled workers ha kada barangay para public information ngan reference.

"While I voted for its approval on final Reading, I still believe LGUs have ample authority to enact a similar measure," siring ni Evardone.

"With such a registry, finding job becomes easier, as it would greatly help in the placement and recruitment of workers," dugang pa ni Evardone.

Guinsiring ni Evardone nga kaya han LGUs nga pahalu-agun an proposed House Bill ha pag-api hiton mga artists, singers, dancers, tutors, consultants, professionals, ug bisan an mga mangirisda, mag-uroma, ngan kasambahays.

"Even a farmer can be hired by any land owner, or other farmers, especially corporate farmers," siring ni Evardone.

Guinsiring han manbabalaud nga an gobyerno yana in nagpa-plano nga mag-estabilisar hin free internet access nationwide, agud nga maguin-una adton mga barangay nga may ada kapareho nga registry kumpara hadton mga waray pa hini nga serbisyo.

Nahibaruan nga ha ilarom hiton House Bill, an barangays in guinmamandu-an nga kilal-un, ug magtipig hin periodically updated, basic nga relevant information ha nasabi nga registry of skills and talents.

Kinahanglan naman nga magpaskil iton barangay hin kopya hini nga registry ha ira mga tagsa-tagsa nga public bulletin board, o di man ha website, kun may ada.

Iguin-duon naman han manbabala-ud nga iguindidiri iton anuman nga koleksiyon hin registration fee o anuman nga kapareho nga baraydan.

Para naman hadton mag-aaro hin kopya hiton registry, mapa hard copy man o soft copy in pwede magbayad hin guti nga kantidad parala mapondohan iton pag-reproduce hini.

PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:

Kuya Jayson M.

Balyu-an ni Kuya "Jayson M."

SOURCE: MARK O. ALIDO