Ex-Leyte mayor, et al., kinasuhan hin graft ha Omb.
- 9:17AM Jayson Macapanas
- Jan 5, 2016
- 1 min read
Naatubang yana ha kaso nga graft ha Ombudsman an anay alkalde ha bungto hiton Mc Arthur, Leyte. Ini in matapos nga isalawad na an kaso han Office of the Ombudsman mahitungod daw ha iligal nga pag-withdraw hin P355,000 para ha overtime pay tikang han tuig 2002 hasta 2004.
Labot naman kan anay Mayor Leonardo Leria, in guin-ngaranan guihapon ni Ombudsman Conchita Carpio-Morales an iba pa nga naatubang ha kaso nga pagtalapas ha Section 3 (e) han Republic Act No. 3019 o Anti-Graft and Corrupt Practices Act nga hira municipal treasurer Daisy Caña, budget officer Arturo Zamoras ngan accountant Margarita Dagsa.
Sumala kan Morales, an an tulo nga iba pa nga opisyal an nag-apruba ha pagbayad ha overtime tikang ha kwarta nga para unta ha clothing/uniform allowance.
Nadiskubre ha guin-buhat nga audit nga waray naka-alutaga nga para ha overtime services ug waray guihapon supporting documents na otorisado an paggamit han nasabi nga overtime pay.
Sumala naman ha DBM Circular No. 10 (1996), an kada department heads in diri otorisado nga mag-claim hin overtime pay.
PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:
SOURCE: Bombo Radyo
Comments