Senate probe ha 'SAF 44', utro aabrihan ha Jan. 25

Ha mismo ika-usa ka tuig nga anibersaryo han Mamasapano massacre, utro nga aabrihan han Senado an imbestigasyon may pagisumpay ha kontrobersiyal nga pagkamatay han 44 nga miyembro han Special Action Force (SAF).

Sumala ha Senate Committee on Public Order and Dangerous Drugs committee chairman, ha Enero 25 alas dies hit aga hiya utro magpapatawag hi hearing ha isyu nga hindadbihan han Moro Islamic Liberation Front (MILF) nga daw responsable ha pagkamatay han nasabi nga mga SAF troopers.

Iguinkalipay ni Poe an go-signal han Senate Committee on Rules nga utro maghimo hin hearing matapos nga humirit hi Senate Minority Leader Juan Ponce Enrile nga utro abrihan imbestigasyon mahitungod ha mga bag-o nga development ha kaso.

Kadungan hini in guinseguro han senadora nga diri maapektuhan an sulod han na-una niya nga committee report nga guinpermahan hin 21 nga miyembro kun diin guintudlok an responsibilidad ni Presidente Noynoy Aquino ha pagkamatay han mga SAF troopers.

Enero 25, 2015 han magpalusad hin operasyon an mga SAF troopers kun diin target an international terrorist nga hi Zulkifli Bin Hir alyas Marwan ha Mamasapano Maguindanao, pero matapos nga mapatay an terorista in nakasagupa hini an MILF ug iba pa nga armado nga grupo ngan mahitungod daw ha kakulangan ha reinforcement in umabot ha 44 nga miyembro han SAF an namatay ha labanan kundiin duha in tikang ha Catarman. Hi PO1 Joseph G. Sagonoy han bungto han San Roque ngan PO2 Rodel E. Racamula han Rosario

PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:

Kuya Jayson M.

Balyu-an ni Kuya "Jayson M."

SOURCE: Bombo Radyo