60 anyos nga Lolo ug 2 anyos nga apo tikang ha Tacloban, guinkawatan han nag-upod ha Manila; nahinga

Karuyag yana nga maka-uli nala hin mag Lolo tikang ha Tacloban mahuman nga mawarayan na nira kwarta tungod nga kinawat han ira guin-updan ha Manila.

Ini an iguinsumat ha aton hin usa ha mga Social Worker tikang ha Sto. Niño, Quinapondan nga nagbuhat hin Community Profiling han UNFPA nga team Calumpet han Sarilaya.

Sumala kan Eva Biong, social worker, ini nga mag-Lolo in bumaya ha Tacloban katapos han Nobyembre upod in usa daw nga Sangkay. An sumat han nasabi nga Sangkay nga daw nakita hini an nag-uusaan nala nga anak han biktima ha Manila. Nahibaruan nga an nasabi nga bata in kapareho liwat survivor han bagyong yolandda kun diin an iba nga kabugtu-an hini in nahisumat nga nagkamamatay han bagyo.

Upod han nasabi nga Lolo nga guinkilala kan Robert Martisano Duran (ngaran sumala ha iya ipinakita nga dukomento han hiya in sumakay hin C130 Plane mahuman an Yolanda didto ha Guiuan), 60 anyos, ug iya lalaki nga apo nga mga 3 anyos.

Estorya ni Lolo Robert, guin-upod hiya han iya sangkayha estorya nga maaram daw ini kun hain nag-uukoy an iya anak nala nga babaye ha Manila. An sumat, an iya anak daw in aadto naukoy ha Cavite. Pero han umabot na hira ha Manila, imbes nga dumiretso ha Cavite, sumakay pa lugod hira pakadto ha Pampanga.

Pag-abot ha terminal han Pampanga, in sumarit an nasabi nga lalaki nga daw mabaya la hin diri maiha pero dara-dara hini an bag han bata. Makalabay in pira na ka oras in waray na ini bumalik ngan didto na nagduda ug kinulbaan hi Lolo Robert nga inuwat hira ngan kinawatan pa.

Iya iguinsumat nga an dako pa nga kantidad han iya kwarta nga nakuha tikang ha tinatawag nga ESA in nakadto han bag han bata nga guindara han suspetsado.

Yana, karuyag nala niya nga umuli upod an iya apo ug unta upod na damn an iya anak nga guinbibiling ha Manila nga babaye. Sumat pa hini nga naisalbar niya an iya apo pinaagi ha pagsulod hini ha iya bado hadton kasagsagan han bagyong yolanda.

Pagpamatood niya kumo hiya usa nga taga Samar in iya ipinakita in ticket nga iya pa naitatago han sumakay hiya hin C130 Plane kahuman han bagyo kun diin nakasurat didto an address nga Mervedes, Eastern Samar. Pagbana-bana han mga social worker tikang ha Quinapondan Eastern Samar nga ini in sumakay ha Guiuan. Sumala pa kan Lolo Robert nga hiya in ha Barangay Kanhiduk, ha Tacloban (amo daman ini it am karuyag ipanawagan ha mga taga Tacloban kun ungod ba nga may-ada sugad hini nga lugar ha Tacloban) nag-uukoy san-o pa hira mabiktima.

Dara han nasabi nga mag-lolo in usa nga bag, ngan bisekleta han bata.

Ha pagkayana, (mausa na ka bulan mahuman nga maka-estorya han mga social worker) ha urhi nga ira aram in nagpapabilin an mag-lolo ha usa nga paradahan hin tricycle ha Municipality han Calumpit, Bulacan.

Waray na anay tuguti han mga driver didto nga palakton ha Manila samtang waray pa kaseguru-an nga magkikita o matutultulan hini an anak. Guinpatapod han mga tricycle driver didto nga hira la anay an magbabantay ug maalalay samtang hira nagpapabilin ha paradahan.

Usa ka adlaw hadto sumala ha mga social worker, in sumaka hira ha Mayor's office ug nahituman nga waray didto an Mayor. Tinagan la anay han staff hin 200 pesos, ug diretso ni Lolo Robert ipinalit hin gatas para ha bata nga diaper hini.

Nananawagan kami, (unta diri pa urhi) kaupod an mga social worker tikang ha Quinapondan nga maghatag hin kadugangan nga impormasyon para mabuligan an mag-lolo. Palihog pag-SHARE, para namanla makadangat ha mga natutura pa nga kapamilya hini. Bisan man nga karuyag niya nga makita an kinamumutangan han anak ha Manila, karuyag nala daman nira nga umuli ha Tacloban kay didto may daw niya kubo-kubo.

Panawagan daman hiton mga taga-Guian, bangin la may makakilala ha iyo kay minsan daw ini hi Lolo Robert nagtinda ha nasabi nga bungto.

SOURCE: Eva Biong