"Government employees should have second source of income" - Evardone
- 10:36AM Jayson Macapanas
- Jan 6, 2016
- 2 min read
Sinusuportahan ni Eastern Samar Representative Ben Pagaran Evardone an House Bill 4123 nga naghahatag hin kamanduhan ha pagpakusog hiton 'entrepreneurship skills' hiton mga government employees agud mas pa nga maparig-un ug maseguro it ira pguiguin-produktibo bisan pa man ha ira pag-retire.
"Imagine a hundred regular LGU employees forming a cooperative and contributing P5,000 each from their individual salary loans. That is a significat starting capital investment that has potential to spur economic activity and generate local employment, " siring ni Evardone.
Tinguha hiton House Bill 4123 nga maseguro in usa nga competitive ug mapamaagi nga mga empleyado hiton gobyerno ug an maupay nga paggamit hit mga resources mapa in-service man o post-service.
An nasabi nga balaudnon in nagmamando hin padayon nga education programs, technology transfer and networking skills pinaagi hin mga estabilisado nga Entrepreneurial Development Program (EDP) nga guin-andam hit kada government agency.
Dugang pa hini, guinrerequire guihap han nasabi nga bill an ngatanan nga government agencies nga magtindog hin Cooperative and Savings and Loans Association nga magseserbe kumo credit and loan facility nga magsusutener ha panginahanglan hiton mga empleyado.
Ha lain pa, guinsusugo guihap hini an Government Financial Institutions nga mag-alutaga hin pondo agud maging pagkukuhaan ha pag-finance hiton mga entrepreneurial projects hit mga empleyado.
Ini man daman in maghihimo hin Coordinating Council nga amo an mag-aandam hin comprehensive plan nga paupayon pa an entrepreneurial assistance.
An Civil Service Commission naman an mangunguna ha paghimo hin implementing regulations kun magin balaud na an bill.
Ha luyo hiton kahadlok hit posible nga 'conflict of interest', iguinpatapod gud in hulos nga pagsupurta la guihap hini ni Congressman Evardone.
"First, the bill does not amend or excuse compliance with the Anti-graft and corrupt practices law. Second, having an entrepreneurial mindset promotes a self-reliant economy espoused under the Constitution," siring ni Evardone.
"Besides, whatever conflict of interest could be resolved in the IRR, with the Civil Service Commission to lead its crafting," dugang pa ni Evardone.
Samtang, hapagkayana in naipasa na ini nga balaudnon ha Senado para ha approval hini. (30)
PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:
SOURCE: MARK O. ALIDO
Comments