DANGKALAN Pacific Beach Resort, host yana hit 1st First National Skimboarding Competition ha E. Sama
- 1:52PM Jayson Macapanas
- Jan 7, 2016
- 1 min read
Malipayon nga iguinpapasabot hiton pamuno-an hiton DANGKALAN Pacific Beach Resort han Taft, Eastern Samar nga hira mangunguna ha pagbubuhaton First National Skimboarding Competition dinhi ha aton probinsiya.
Nakatalaan nga pagbuhaton an nasabi nga kompetisyon ha tiarabot nga Enero 22 - 24, hini nga tuig, Biyernes hasta ka Dominggo.
Guin-aghat naman ni Roderick Celada "Manoy" Bazar, (Manoy Bazar) an mga mahilig guihapon hini nga sports nga suportahan an nasabi nga event. Mahinunumduman nga hi Manoy in nagda-ug hin world championship trophy ha Zap World Championship of 2014 didto ha Delaware, United States of America.
Una na nga nag-host an Dangkalan Pacific Beach Resort hin usa nga local skim competition in ha Taft, hadton mga nakalabay nga tuig nga guin-atendiran hin local skim enthusiasts tikang dinhi ha Borongan.
Tinguha han nasabi nga competisyon nga ipakilala ini nga nasabi nga bag-o nga sports ha mga locals han Taft ug ha hagrani nga bungto hadto.
Pero yana, pagdasig ni Nards Balmes han Dangat Outdoor Shop nga ini nga masunod nga event in diri nala usa nga lokal nga buruhaton kundi National na kumo usa guihapon nga pagpakilala hiton aton probinsiya nga maguin-usa ha mga lugar nga pwede maguin-skimboarding destinations dinhi ha Pilipinas.
PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:
Comentarios