2 sundalo, samaran ha guinpaboto nga IED han NPA ha Northern Samar

Duha an nahisumat nga sundalo nga samaran ha guin-buhat nga pag-atake han guintutuuhan nga mga miyembro han New People's Army (NPA) ha tropa han kasundaluhan didto ha Barangay Bagacay, Palapag, Northern Samar.

Guinpabuthan han rebelde nga grupo an sarakyan han mga militar nga iguinkasamad han mga ini.

Kinilala an mga samaran nga hira sina Cpl. Donnie A. Aton, ngan Pfc. Bingbong Crisologo.

Diretso naman nga iguinsugod ha Northern Samar Provincial Hospital an mga sundalo matapos makakuha hin grabe nga tama ha ulo ngan iba-iba nga parte han lawas tinag ha fragment han improvised explosive device (IED).

Una hini, umabot ha 10 minuto an naguin balyu-ay hin boto ha butnga han mga kasundaluhan ug han mga NPA.

PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:

Kuya Jayson M.

Balyu-an ni Kuya "Jayson M."

SOURCE: Bombo Radyo