OPLAN Tracker Manhunt Charlie operation han Borongan City Police Station, lalaki ha Maypangdan arest

Usa nanaman nga malinampuson nga operasyon han OPLAN Tracker Manhunt Charlie an naipatuman han Borongan City Police Station (BCPS) hini la nga pagsulod han bag-o nga tuig, 2016.

An nasabi nga operasyon in kasumpay la guihapon han "Lambat Sibat" 4 focused crimes nga nahinabo hadton Enero 6, 2016 didto ha Barangay Maypangdan, Borongan City Eastern Samar ha pangunguna ni PO3 Norman C Beato.

Ensakto alas 5:30PM han kadtuon han kapulisan an nasabi nga lugar ha nga nagresulta ha pagka-aresto hin usa nga wanted nga lalaki nga guinkilala kan Pio Caratay y Chinedo, 49 anyos, inasaw-an ug residente han nasabi nga barangay.

Guin-aresto hi Caratay pinaagi ha gahum han warrant of arrest nga iguin-pagawas han RTC Branch 1 ha ilarom han Criminal Case Number 10557 may kalabutan ha kaso nga pagtalaps ha Presidential Decree 1866 o an "Codifying the Laws on illegal/unlawful possession, manufacture, dealing in, acquisition or disposition, of firearms, ammunition or explosives or instruments used in the manufacturing of firearms, ammunition or explosives, and imposing stiffer penalties for certain violations thereof and for relevant purposes", nga may rekumendado nga piyansa nga Php10,000.00 para ha temporary nga kagawasan.

Samtang, hadton Enero 7, 2016, kinabuwasan mahuman hiya (Pio Caratay y Chinedo) maaresto, alas 10:00AM, an nasabi nga suspetsado in iguin-turnover ha court of origin ngan nakapag-piyansa hin dyes mil (Php10,000.00) para ha iya temporaryo nga kagawasan ug guin-discharge ni pinaagi ha kasugu-anan nga iguinpagawas ni Hon. Elvie P Lim, Presiding Judge, RTC BR 1.

PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:

Kuya Jayson M.

Balyu-an ni Kuya "Jayson M."

SOURCE: Borongan Pulis