Wanted ha kaso nga atempted homicide, arestado ha Can-avid mahuman an New Year

Arestado in wanted ha kaso nga atempted homicide ha Can-avid.

Malinampuson nga nadakop hi Jose Rogie Cantos y Caspe, 21 anyos, waray trabaho ngan residente han Barangay Rawis, Can-avid, Eastern Samar pinaagi ha pinkaurhi nga operasyon han Can-avid Municipal Police Station.

Nahinabo an operasyon samtang nagpapatuman an mga elemento han Can-avid MPS ha pangunguna ni PSI Yvan Franc C. Gabornes hin 'beat patrol' ha lugar hadton 7:45AM han ika-5 hini nga Enero.

Naaresto hi Caspe pinaagi ha gahum han warrant of arrest nga ipanagawas ni Hon. Renato Noel C. Echague, presiding judge MTC Can-avid, Eastern Samar para ha kaso nga attempted homicide ha ilarom han Criminal Case number 2206 nga may rekomendado nga piyansa nga Php10,000.00 para hit iya temporaryo nga kagawasan.

Diretso nga guindara an naaresto ha Can-avid MPS para ha booking ngan documentation san-o pa mai-turn-over ha court of origin

PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:

Kuya Jayson M.

Balyu-an ni Kuya "Jayson M."

SOURCE: Can-avid Pulis