Topnotcher sa nursing, taga Quinapondan E. Samar

Aminado nga duro nga kinilig an No. 1 passer ha 2015 Nursing Licensure Examination (NLE) mahuman hini mahibaruan an naguin-resulta.

Sumala kan Alyssa Claire Almo, diri la guihapon hiya makatood hasta ngada yana nga hiya an nanguna han nasabi nga eksaminasyon.

Paru-pareho daw hin inop la an ngatanan kun iya ini nahinunumduman.

Ha guinbuhat nga pamakianana han Bombo Radyo Tacloban, in nahibaruan nga karuyag unta nga mag-aram hin medisina ni Alyssa kun matatagan hiya hin scholarship tikang ha Remedios Trinidad Romualdez Medical Foundation, kun diin didto hiya nagtapos hin nursing.

Nahibaruan guihapon nga magurang ha tulo nga magburugto hi Alyssa ug inspirasyon niya an iya nanay nga usa guihap nga nurse.

Nagpapasalamat naman hi Alyssa ha ngatanan nga mga tawo nga iya nakaupod hasta nga iya makuha an paguigui-malinamposon.

Hi Almo in 20-anyos pa la, nga tikang ha bungto hiton Quinapondan dinhi ha Eastern Samar ug kilala guihapon hiya kumo beauty and brains ha ira eskwelahan tungod nga guinhirang ini kumo 1st runner-up ha Miss RTRMF-DVOREF 2014.

"Hindi ho talaga ko makapaniwala parang natakot akong matulog baka paggising ko panaginip lamang ang lahat. Ang akin lang talaga noong hindi pa ako nag-exam, nagre-review pa lang ako, bagong graduate, sana mag-top ako sa exam kung mag-Top 5 pababa kikiligin talaga lalo na kung mag-Top 3 ako. Pero may naka-post sa room yong pangalan ko, Top 1.... Simula talaga college ako. naniniwala ako na kung gusto mong maabot ang isang bagay, i-claim mo agad, mapapasaiyo talaga," pag-estorya pa ni Almo.

Ha pagkayana in kaapi daw guihapon ha iya priority in an makabulig daman ha pag-eskwela hit iya duduha pa nga kabugtu-an.

Hi Alyssa in nakakuha hin kabug-usan 86.40 percent nga rating. Nanguna hiya ha umabot 18,500 nga examinees kun diin aada ha 9,114 la an nakapasar.

PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:

Kuya Jayson M.

Balyu-an ni Kuya "Jayson M."

SOURCE: Bombo Radyo