Evardone: Sabotahe ha kasal ug pamilya tagan mabug-at nga parusa-kriminal

Apesar han iya suporta ha House Bill No. 037, maluya o malamya para kan Eastern Samar Liberal Party Congressman Ben Pagaran Evardone an sirot yana ha mga pagsupak han nasabi nga House Bill kun an parusa ngan mga panuyo hine nga balaudnon pagtitimbangon.

Naghahatag hin proteksiyon an nasabi nga baluodnon ha institusyon han kasal ug pamilya komo pundasyon han nasud.

Subay hine, ginsisirutan an kun hin-o man nga tawo, upod an mag-asawa, an mga nabulig nga abogado ngan pati huwes han korte nga hibaroan nagbuhat pagsupak han mga iginbabawal nga buhat o prohibited acts nga nakasurat ha nasabi nga balaudnon.

An House Bill naghahatag parusa nga kaprisohan hin tikang usa ka bulan ngadto unom ka bulan o pinalidad (fine) tikang P10,000 ngadto P50,000 o pareho kapresohan ngan pinalidad.

"The penalties proposed seem to not render justice to the well-revered principle that marriage and family constitutes the nucleus of social life," siring ni Evardone.

"Perhaps, the imprisonment penalty should be equal to or higher than those imposed on economic frauds, like estafa which requires a 6-8 year incarceration when the amount of deprivation is between P12,000 to P22,000," dugang pa han Congressman.

Siring ni Evardone nga "an paglimbong dinhe hine nga baluod nakakabay-og ha pinakapundasyon han sosyedad, nfan usa nga nakakatarhug ha pinamilya nga kabuhi (family life).

"No less than the Constitution recognizes (by implication) that protection of marriage and family is of primordial and transcendental concern of the State," siring ni Evardone.

Plano ni Evardone pagsuratan an author han House Bill No. 037 mahitungod han iya obserbasyon ngan maghatag hin pagbag-o han baludnon, sugad han pagbutang hin balaud para han na-utro pagsupak hine pareho han konsepto han recidivism ngan habitual delinquency ha Revised Penal Code, sugad man han paghatag mas hataas nga parusa (aggravating circumstance) kun an magsupak usa nga abogado o huwes han korte.

Iginbabawal ha nasabi nga balaudnon an:

Una. An tuyo nga pagbuhat o diri pagbuhat ha oras o antes han kasal hin kun-o man nga butang nga makakahatag ebidensya agud an kasal mahideklara nga waray bisa o magtutugot hin legal nga pagbulag han mag-asawa, sugad nala han diri pagkuha hin lisensya ha pagkasal, pagkuha hin magkarasal nga ministro nga waray lisensya o otoridad pagkasal.

(Knowingly doing an act or omission at the time of marriage or prior thereto that would give grounds for legal separation, annulment or declaration of nullity, e.g. failure to procure marriage license, seeking a solemnizing officer that has no authority over the parties.)

Ikaduha. An pagsabot han mag-asawa agud makakuha hin sugo nga ligal nga pagbulag o sugo nga nagdedeklara nga an kasal waray-bisa.

(Connivance between the parties to obtain a decree of legal separation and annulment of marriage.)

Ikatulo. An pagtikang han pamati han kaso ha korte antes maghagos an mando nga unom ka bulan tikang han han pagsalawad han petisyon.

(Trial of an action for legal separation before the lapsed 6 months from filing of petition.)

Ikaupat. An pagpasa hin kasuguanan han ligal nga pagbulag bisan kun an korte waray maghimo han mga kinahanglanon nga mga pitad agud magkahibalikay an mag-asawa ngan waray determinasyon han korte nga an paghibalikay in harani-imposible mahitabo.

(Issue of a decree of legal separation without the court taking necessary steps towards the reconciliation of spouses and without determining beforehand that reconciliation is highly improbable.)

Ikalima. An pagpalusad han korte hin kasuguanan han ligal nga pagbulag nga nagbabase la han ginsabutan han mag-asawa o base la ha pag-amin o pag-admitar han kasaypanan han usa nga asawa.

(Issue of a decree of legal separation based merely on stipulation of facts or confession of judgment.)

Ikaunom. An tinuyo nga pagsulsol han kun hin-o man nga tawo, labi na gud han an piskal nga abogado nga nagkakapot han kaso, nga pagpasuboton an mag-asawa nga maghimo paagi nga hira pagpabulagon han korte, kaupod na an paghimo hin peke nga ebidensya o pagtago hin ebidensya.

(Deliberate intent of any person and/or prosecuting attorney assigned in a case to induce collusion between the parties, as well as encourage fabrication or suppression of evidence.)

An House Bill No. 037 in nagpapabilin ha Komitiba ha Konggreso apesar nga tulo nala ka-adlaw an nabibilin antes magbakasyon an mga konggresista para han ira pangampanya ha tiarabot nga Mayo 9 nga piniliay.

PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:

Kuya Jayson M.

Balyu-an ni Kuya "Jayson M."

SOURCE: MARK O. ALIDO