P100 bills nga haros kapareho han P1,000 bank notes, guinbalyu-an na an kolor - BSP

Kasunod han mga reklamo nga haros magkapareho an hitsura han P100 ngan P1,000 bills in guinbalyu-an na han Bangko Sentral ng Pilipinas (BSP) an kolor han 100-peso bank notes nga anay kolor blue.

Ha iguinpagawas nga 100-peso bill, in mas lutaw na an kolor nga violet.

Ha pahayag han BSP, guinsunod daw la nira an suhestiyon han publiko nga balyu-an an kolor han bank note para diri na ini magdurot hin kalituhan ha mga tawo.

"Compared with the current color of the 100-peso bank note in circulation, the new 100-peso bank note will have stronger mauve or violet color on the obverse and reverse sides," base ha statement han BSP.

Waray naman daw nabalyu-an ha features han P100 bill.

Samtang padayon an pag-imprenta sha 100-peso bank notes in nagpahinumdom naman an BSP nga puwede la guihapon gamiton an New Generation Currency P100 bills.

"The current 100-peso bank notes can still be used for daily transactions for payment of goods and services and will commingle with the new 100-peso bank notes with stronger mauve or violet color until supplies of the first version last," pagdugang hab BSP.

PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:

Kuya Jayson M.

Balyu-an ni Kuya "Jayson M."

SOURCE: MARK O. ALIDO