"Welfare of Women and Children first before profits," Evardone

"Welfare of women and children first before profits," ini an guinsiring ni Liberal Party stalwart ngan Eastern Samar Representative Ben Pagaran Evardone hadton pagpaki-anhan kun kay ano nga uambuyon ini ha mga kaupod ha House of Representatives ha pag-aproba han House Bill No. 398 ha Third Reading.

An House Bill No. 398 in nagre-require hin prior pregnancy test ha kababayen-an nga aada na ha child-bearing age antis nga puma-ilarom ha anuman nga cosmetic surgery procedures.

"We need to ensure the well-being of pregnant women, and safety of their unborn children from harmful effects of chemicals introduced through cosmetic surgery procedures like mammary-enhancement silicon implants, or medicines taken after such surgeries" siring ni Evardone.

Guinre-require han nasabin nga balaudnon an ngatanan nga cosmetic surgery practitioners nga ipa-ilarom anay an mga kababayen-an nga aada na ha child-bearing age, nga nakatalaan nga pumailarom ha usa nga cosmetic surgery procedure ha usa nga mandatory pregnancy test pinaagi hin usa nga medical practitioner nga may iwag hin pag-determina hin insakto nga pregnancy testing.

Para hadton mahibabaru-an nga infertile o, base han objective criteria nga diri kaya manganak, hira in magigin-gawas ha nasabi nga mandato.

Kinahanglan naman nga ipahibaro hin usa nga cosmetic surgeon iton iya pasyente ha ha insakto nga kadilekaduhan in kaso nga magburod.

An balaudnon in may-ada igpapatuman nga penalidad tikang ha reprimand ha 1-year suspension of license ngan fine tikang P5,000 - P20,000 ha tumalapas nga cosmetic surgeon, bisan nga may-ada ipakita nga patient's waiver hin usa nga burod.

Igpapatuman nga ipapagawas naman hiton Department of Health an implementing rules and regulation ha sulod hin 90 ka adlaw tikang han effectivity hini, kun magin balud na an nasabi nga balaudnon.

Ha pagka yana in naka-pending an nasabi nga bill ha approval hiton Senado.

PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:

Kuya Jayson M.

Balyu-an ni Kuya "Jayson M."

SOURCE: MARK O. ALIDO