Yana nga Adlaw, Aram Mo Ba? Nagpagawas hin counter-proclamation hi Aguinaldo ha "Benovolent ass

Aram mo ba Sangkay nga hadton January 5, 1899, in nagpagawas hi General Emilio Aguinaldo hin manifestos nga nagdedeklara ha iya pagkontra ha "benovolent assimilation declaration" hadto ni US President McKinley. Iguindeklara ni Aguinaldo ha pagsiring nga, "I protest 1001 times with all the energy of my soul against such authority. I solemnly declare that neither in Singapore, Hongkong, nor here in the Philippines did I ever agree, by word or in writing, to recognize the sovereignty of America in this our lovely country".

Iguin-iisue ni Aguinaldo an nasabi nga deklarasyon mahuman hi General Otis magpagawas hin iya edited nga bersyon hadton "Benovolent assimilation declaration" kun diin guin-siring han American general nga daw tumawag hi Aguinaldo ha iya (Otis) an "Military Governor of the Philippine Islands".

Samtang, ha bulag man daman nga manifesto nga igunpagawas ni Aguinaldo, ha kapareho nga petsa, iya guinsiring nga hiya in nag-rely ha maupay nga pagtoo ug pagtapod ha mga American people. Iya daman guin-estorya kun patiunan-o hiya bumalik utro nganhi ha Pilipinas ug iguinsumat an iya naging relasyon kan Admiral Dewey, nga amo man daman an nag-engkurahi ha iya nga magtikang han rebulosyon.

Iya pa iguindugang nga "all the Filipinos without distinction of classes took arms, and every province hastened to expel from its frontiers the Spanish forces. This is the explanation of the fact that after the lapse of so short period of time, my government rules the whole of Luzon, the Visayan Islands, and a part of Mindanao".

An amo la nga Filipino nga may ada importansiya nga hadto nga panahon in nag-propose hin kauna-unahan nga annexation ha United States in hi Jose Ma. Basa, kun diin ha usa pa nga manifesto nga guinpadara kan Aguinaldo, nagsiring nga hiya in puno hin paglaum nga iton Pilipinas in mapaapi kumo 'another star in the great republic of the United States'.

PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:

Kuya Jayson M.

Balyu-an ni Kuya "Jayson M."

SOURCE: Kahimyang