ESAMELCO: Power Interruption ha City Proper 12:00PM - 1:00PM; iba nga parte hiton probinsiya, waray

Magkakaada kita hin pagparong hiton kuryente buwas nga adlaw, Sabado tikang ha Cabong nganhi ha Poblacion hiton Borongan, alas dose hiton udto hasta ha ala una hiton kulop.

Ini an iguinsumat ni Mr. Danny Azura kanina han aga ha program nga ESAMELCO Time kaupod hi Earns.

Sumala pa kan Azura nga usa ka oras iton mahitatabo nga pagkaputol anay hiton serbisyo elektrisidad buwas.

Nahibaru-an tikang kan Azura nga ini in mahitungod ha pagbubuhaton nga pag-tapping hiton connection hiton linya ngadto ha building hiton Jollibee.

Labot la hini in iguinsumat guihapon ni Mr. Danny Azura nga kalakip guihapon ha aktibidad nga pagbubuhaton hiton ira mga tawuhan in an pag-retrieve han una nga poste dida hiton may Mercury Drug dapit.

Ini in an nagpapabilin pa ngada nga 'wood pole' nga sumala ha iya in nakakaulang pa ngada dida hasta yana.

Guinlalauman naman ni Azura nga mahuhuman ha sulod hin usa ka oras ini nga duduha nga aktibidad buwas nga adlaw ngan maibabalik iton kuryente insakto ala una hiton kulop.

Pagklaro pa ni Azura nga apektado guihapon hini nga pagparong hiton kuryente buwas in an mga barangay han San Jose, San Gabriel, ha San Mateo, Surok, ngan San Andres. Ini in labot la ha una nga iguinsumat niya nga matikang an pagparong ha Cabong hasta dinhi ha City Proper hiton Borongan.

Diri naman daw apektado hini nga brownout buwas an mga lugar tikang ha Sabang South ngadto ha Pepilitan ngadto ha San Julian ngan Sulat.

An iba naman nga mga lugar nga waray mahingadni in diri daw apektado hini nga pagparong hiton kuryente.

Una nga nga nahibaru-an nga waray naka-schedule nga power interruption buwas nga adlaw hiton National Grid Corporation of the Philippines o NGCP.

PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:

Kuya Jayson M.

Balyu-an ni Kuya "Jayson M."

SOURCE: RVFM Audio Archive