Fish landing centers, ititindog ha aton rehiyon

Igtitindog hiton Bureau of Fisheries and Aquatic Resources (BFAR) in 47 nga mga community fish landing centers (CFLCs) dinhi ha Eastern Visayas.

Ini in ha tinguha nga mapa-upay iton kahimtang hiton mga poor fishing villages.

Magigin lugar para ha mga post-harvest equipment adton mga CFLC nga nagkakakantidad an kada usa hin P2.85 million, kun diin guinlalauman nga maghahatag ini nga tools hin higayon ha mga fisher folks nga makapag-preserbar ha kalidad hiton ira mga isda ngan mga fishery products nga pwede na nira maibaligya hin mas maru-mahal.

“Local consumers will also benefit from the fish landing centers as they will have better access to safe and quality fishery commodities,” siring ni Alabaladejo.

Nahibaruan nga gagamiton guihap an nasabi nga pasilidad para hin mga 'skills trainings on disaster-resilient fisheries-based livelihoods and resource management' sugad hiton pag-monitor hiton dakop sugad man iton mga stock monitoring.

Ha ilarom hini nga 47 nga mga proyekto in guintitindog na yana an mga pasilidad dito ha Marabut, Daram ug Pinabacdao ha Samar province, sumala kan BFAR-Eastern Visayas Regional Director Juan D. Albaladejo.

Nakatalaan naman nga pagtikangan yana nga tuig an pagtindog hin kapareho nga pasilidad o CFLC ha Bobon, Catarman, Biri, Mapanas, Gamay, San Roque, Palapag, Pambujan, Lapinig, Rosario, San Isidro, Mondragon, San Jose, Lavezares, ngan San Vicente ha Northern Samar.

Kalakip guihapon ha mga target sites ha Samar in ha Arteche, Balangkayan, Borongan City, Laoang, Maydolong, Llorente, Can-avid, Lawaan, Salcedo, Guiuan, General Macarthur, Mercedes, Quinapondan, Hernani, ug Giporlos.

Samtang, an iba pa nga lugar in ha Tarangnan, Paranas, Catbalogan City, Motiong, Calbiga, Pagsanghan, Calbayog City, Basey, Tagapul-an, Almagro, Zumarraga, ngan Sta. Margarita.

Nahisumat nga 15 ha kada usa hini nga tulo nga mga probinsiya in matitindogan hin mga bag-o nga CFLC.

Duha pa nga sugad man nga pasilidad in ititindog guihap ha Hilongos ngan bungto hiton Dulag ha Leyte.

PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:

Kuya Jayson M.

Balyu-an ni Kuya "Jayson M."

SOURCE: Manila Bulletin