Evardone: Igduduso retirement ha edad 60 para ha empleyado ha gobyerno

Igpapadayon ni Eastern Samar Congressman Ben Pagaran Evardone an pagsuporta ha panawagan nga maghabubo an edad han pagretiro, labi na gud an mga empleyado ngan opisyales han gobyerno.

Panuyo hine nga inisyatibo an paghatag ha mga nasabi nga empleyado hin panahon nga hira magkaada pa oras hin pagpasyada komo turista, paglipay o pag-enjoy han retirement.

"Pareho hin lagas na iton 65 years old nga nagreretiro. Kulang na hira hin gana nga mamasyada, maglibot ha kun diin nga tourist spots, ngan magpakabuhi oras nga hira in magretiro," sering ni Evardone.

"Dida han 15th Congress, ginpakiana ko ha GSIS kun kaya nira sustentuhan kun an retirement age, pananglitan han mga teachers, in pahabub-on ha 55," sering ni Evardone.

"Kukurian pa daw an GSIS paghatag han sustento kun ig-adjust ngada ha 55 an retirement age," dugang ni Evardone.

Plano ni Evardone utro ipakiana ha GSIS an viability han nasabi nga ahensiya kun an edad han pagretiro 60.

"Diri la nga matatagan panahon an retirees padjust ha ira retirement, kundi ha edad nga 60, makusog pa an retiree para magpundar hin pakabuhi nga pwede igdugang sustento ha iya kalugaringon ngan iya pamilya pag-abot han iya retirement," sering ni Evardone.

"Siyempre, suportado liwat naton an karuyag mag early retirement," sering ni Evardone.

"Labot pa, magkakaada pagpasulod hin mga presko nga kamot nga magseserbe ha gobyerno," dugang ni Evardone.

Ginkikit-an liwat ni Evardone an sistema han pagretiro ha iba nga nasud kun diin mga kabataan nga empleyado in gintutuyangan na magretiro kun hira nakapagserbisyo na hin 20 anyos.

"Kun nakasulod ka ha gobyerno ha edad 25, makakaretiro ka na ha edad nga 45. Aada ka pa ha imo kakusgon, ngan pwede ka pa magnegosyo, magtrabaho ha pribado, magskwela o training hin kun ano nga skills," sering ni Evardone.

"The idea here is to infuse fresh hands into government service, while opening up new opportunities for outgoing or retiring government employees. Should the retiree open a business out of his initial lump sum received, he would be opening an employment opportunity for others. That's the ripple effect," sering ni Evardone. (30).

PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:

Kuya Jayson M.

Balyu-an ni Kuya "Jayson M."

SOURCE: MARK O. ALIDO