One Time Big Time operation, 7 arestado ha Catbalogan

Arestado in pito nga mga drug personalities ha pinakaurhi nga guinbuhat nga operasyon han Catbalogan City Police Station o CCPS.

An nasabi nga operasyon ha ilarom han One Time Big Time han PNP in guinbuhat hadton ika sinko hini nga Pebrero alas dose han udto.

Nahibaruan tikang ha Catbalogan City Police Station nga magdudrungan nga iguinpatuman in napulo nga search warrant nga iguin pagawas ni Presiding Judge, RTC Branch 33 han Calbiga, Samar Hon. Janet M. Cabalona labot la ha lima pa nga warrant of arrest nga target an mga persons of interest.

Guinbuhat an malinaposon nga operasyon pinaagi ha guintig-ob nga pwersa han mga elemento han PAIDSOTG, Samar PPO, RPSB, WSCIDG, Catbalogan CPS, PNP-SAF ngan PDEA Region-8.

An pinakaurhi nga One Time Big Time operation ha Catbalogan in ha ilarom ha direct supervision ngan control ni OIC-SPPO PSSupt. Rommel Bernardo A. Cabagnot nga nasaksihan ni DRDO PRO-8 PSSupt. Allan T. Cuevillas.

Guinlalauman nga ha masunod nga mga adlaw in ipapagawas na hiton Catbalogan City Police Station o CCPS an mga ngaran han mga naaresto.

PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:

Kuya Jayson M.

Balyu-an ni Kuya "Jayson M."

SOURCE: Catbalogan Cps