2 Senatoriables susuportahan hiton mga taga Sinirangan Bisayas

Dako daw it tiyansa nga makakuha hin bug-os nga suporta in yana duha nga mga taga dinhi ha Sinirangan Visayas nga nadalagan ka Senador ha tiarabot nga eleksyon.

Ini in bisan pa man ha luyo nga tikang ini nga duduha ha mahugot nga magkaribal ha politika in kinikita yana in suporta para ha duha tikang ha mga hagrani nga mga probinsiya.

Ini nga duduha in hira Leyte Representative Ferdinand Martin Romualdez ngan anay Energy Secretary Carlos Jericho Petilla.

Nadalagan kumo independent candidate hi Romualdez nga umangkon ni anay first lady Imelda Marcos samtang nadalagan naman ha ilarom hiton Liberal Party hi anay governor Petilla.

Guinlalauman yana, ha luyo ha ira pagigin mapait nga magkaribal ha politika ha probinsya hiton Leyte in suporta ha ira nga duha hiton mga local leaders hiton Sinirangan Bisayas nga kinukomposo hiton Leyte, Southern Leyte, Biliran, Samar, Eastern Samar ngan Northern Samar.

Mahinunumduman nga iton Eastern Visayas nga kinukonsidera kumo 'poorest region' ha aton nasud in waray makapaghimo hin senador ha sulod hin sobra 50 anyos.

Urhi nga naguin-senador in hi Decoroso Rosales tikang ha Calbayog City, Samar nga naguin-senador tikang han tuig 1955 hasta 1961.

PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:

Kuya Jayson M.

Balyu-an ni Kuya "Jayson M."

SOURCE: Inquirer.net