'Female genital mutilation' unta mawara na pag-abot hiton 2030 - UN

Gumius na guihapon yana an United Nations (UN) agud nga wakasan na iton guinhihimo nga kalakaran ha pira nga mga bansa nga pagkapon ha mga kababayen-an o female genital mutilation (FGM).

Sumala ha record han UNICEF, umaabot ha 200 million nga mga kababayen-an kaupod na an mga daragita an nakatagamtam hin kapareho nga sistema kun diin kadam-an in nagtikang ha mga nasud nga Somalia, Guinea, Djinouti, Egypt, Ethiopia ngan Indonesia.

Mahitungod hini, target han UN nga mawara na an female genital mutilation pag-abot hiton tuig 2030.

Ha pagkayana daw ha 30 nga mga nasud nga tradisyon an pagkapon ha mga kababayen-an, in hinay-hinay na ini nga naiibanan.

Tikang ha 200 milyon nga mga biktima han female genital mutilation, aada ha 44 million hini in may edad 14-anyos pahabobo.

An iba daw ha mga ini in napailarom ha FGM san-o pa man umabot an ika-lima nga panuigon.

Malinaw daw ini nga pagtalapas ha katungod hiton bata.

Han ika-6 hini nga bulan, Sabado, in guinhimo ini han UN kumo International Day of Zero Tolerance for female genital mutilation.

PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:

Kuya Jayson M.

Balyu-an ni Kuya "Jayson M."

SOURCE: Google / Bombo Radyo