Mga opisyales ha Sinirangan Bisayas na kasuhan tungod ha mga peke nga resibo ug 'bid documents&#

Pito yana nga mga opisyales dinhi ha Sinirangan Bisayas in na-penalized tungod ha peke nga resibo ngan bid documents.

Fake receipt and certifictaes of appearances

Nahisakpan nga nagbabaligya hin mga peke nga attendance certificates in usa nga konsehal samtang guinbubuhat an Philippine Councilors' League meeting ug unom naman in nag-authorized hin pagpalit hin truck nga waray bidding.

Usa nga elected official ngan unom nga mga municipal employees ha iba-iba nga probinsya dinhi ha Eastern Visayas in napatumanan hin sanction ha paggamit hin peke nga dokumento para ha personal nga interes.

Guin-dismiss ni Deputy Ombudsman for Visayas Paul Elmer Clemente hi Municipal Councilor Sergio Batistis Jr. han Albuera, Leyte ha pagbaligya hini hin peke nga mga certificates of appearance ngan resibo didto han national board meetings han Philippine Councilor's League o PCL.

Nakitaan kumo guilty hi Batistis hin serious dishonesty, grave misconduct, ngan conduct prejudicial to the best interest of the service ug disqualified na nga makakuha hin ano man nga pwesto ha gobyerno ug diri na makakakuha hin civil service examination.

Forfeited na guihapon an iya retirement benefits sumala ha opisina han Ombudsman ha statement nga iguinpagawas han Lunes, Pebrero 15.

Una hini in nakakarawat hin reklamo an opisina han Ombudsman tungod ha mga eligal nga aktibidad ni Batistis ug nagplano hin usa nga entrapment operation hadton June 2015.

Nakuha ha iya posisyon in 22 ka bug-os hin peke nga mga PCL receipts, 28 nga mga peke nga certificates of registration ug P103,500.00 nga cash.

Iguinduso naman an disiyon ni Clemente ha direkto han Eastern visayas Department of the Interior and Local Government para ha implementasyon hini. Natagan guihapon hin kopya han disiyon an Commission on Elections, Civil Service Commission, an Commission on Audit, ug an Government Service Insurance System.

Fake receipt and certifictaes of appearances

Ha usa pa nga kaso dinhi ha aton rehiyon, nagpagawas hin kasuguanan hin suspensyon hin unom ka bulan ug usa ka adlaw an Office of the Deputy Ombudsman for Visayas.

Ini nga suspensyon in waray bayad para ha unom nga mga empleyado ha bungto hiton Guiuan dinihi ha ton probinsya.

Kinilala an nagpagawas hin katugutan nga pumalit hin remanufactured fire truck nga nagkakakantidad hin P2.1million hadton February 2007 bisan waray public bidding hira Arsenio Salamida, Esperanza Cotin, maria Nenita Ecleo, felipe Padual, Danilo Colandog, ngan Gilberto Labicane kumo municipal bids and awards committee.

"The respondents authorized the acquisition through negotiated procurement by making it appear that two public biddings were previously conducted. The contract, purchase order and disbursement voucher were all processed in one day," siring ha statement han Ombudsman.

Nakita nga 'guilty of conduct prejudicial to the best interest of the service' an unom nga empleyado han guiuan.

Guinsugo na han Ombudsman ha Mayor hiton Guiuan an pagpatuman han nasabi nga suspensyon.

In kaso man, sumala ha Ombudsman nga bumaya na ha serbisyo an nasabi nga mga opisyales, in iko-convert an suspension ngadto ha penalidad nga kapareho ha mga maguiguin-sweldo han mga respondents ha sulod hin unom ka bulan.

PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:

Kuya Jayson M.

Balyu-an ni Kuya "Jayson M."

SOURCE: Rappler / Mel Caspe