6 to 6 Scheduled Power Interruption buwas, Sabado tungod ha NGCP works
- 4:14PM Jayson Macapanas
- Feb 19, 2016
- 1 min read
Magkakaada buwas nga adlaw, Sabado, Pebrero 20, 2016, hin pagparong ha serbisyo elektrisidad.
Ini in mahitungod ha naka-schedule nga Power Interruption tikang ha National Grid Corporation of the Philippines (NGCP) para hin ira importante nga aktibidad.
Sumala ha usa nga notice nga iguinpadara han Eastern Samar Electric Cooperative Inc. (ESAMELCO), nakabutang in schedule hin brownout buwas nga adlaw.
Nahibaruan ha nasabi nga surat nga permado ni District 1, Leyte/Samar Area Head, Lope L. Cañete nga naka-address kan ESAMELCO General Manager Atty. Jose Michael Edwin S. Amancio nga 6:00AM magtitikang an brownout hasta 6:00PM buwas.
Apektado an 138kV Babatngon - Paranas (Wright) L2 ha pag shutdown anay para han pagbubuhaton nga pagbalhin hin mga conductor wires tikang ka Emergency Restoration Structure (Temporary Structure) ngadto ha permanent Tower 65.
Samtang, padayon nga iguin-aapela hiton NGCP ha publiko in paghirot nga maka-kontribuer ha pagkaparong hiton serbisyo elektrisidad.
Ha pagbisita ni Ma'am Betty Martinez han NGCP nga likayan an pagsunog harani ha mga linya hiton kuryente kay sumala ha iya in usa ini ha mga kasagaran nga rason ha pagkakada power interruption dinhi ha isla hiton Samar. Dugang pa ni Ma'am Betty, nga ira yana apela ha publiko nga mahunong iton aktibidad nga pagkaka-ingin.
PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:
SOURCE: RVFM Archive & News
Comments