Presyo hiton baktin, ug mga poultry products guinlalauman iton pagtaas tungod hiton El Niño

Labot ha bugas, posible daw daman magkamay-ada hin paghataas ha presyo hiton poultry products sumala ha Department of Agriculture (DA) 7 kun magtika-grabe pa iton El Niño.

Sumala kan DA-7 Veterinarian Raul Migriño nga an dry spell in conducive ha pagpasarang hiton airborne disases ngan heat stroke ha mga manok ngan baboy.

Ini in mahitungod nga makakaapekto an El Niño ha local food production kay ini in dako nga tarhog ha pagkaruba hiton mga pananom kausa na iton mais nga siring pa ni Migriño nga ini in makakadugang ha posibilidad hin pagkaada price movements ha baboy ngan poultry products.

“May ada shortage ha local corn. Kun an mais in maging insufficient, mahataas an mga presyo kay 50 hasta 70 porsyento hiton mga tubong in tikang ha mais." siring ni Migriño ha pamakiana kadungan han AGIO Forum hadton Martes ha Philippine Information Agency 7 office.

Siring niya nga iton corn supply ha Central Visayas in diri igo para ha local demand hini, salit an mga poultry raisers in nag-iimport na.

Samtang, una na nga guinsiring ni National Economic and Development Authority 7 Director Efren Carreon nga posible magkaada hin food inflation san-o pa man iton katutngaan hini nga tuig tungod ha El Niño.

Iguin-forecast naman hiton Philippine Atmospheric, Geophysical, and Astronimal Services Administration (PAGASA) nga iton El Niño in posible magpadayon hasta hiton Hunyo.

Guinpahimatngonan hini nga an 29 nga mga probinsiya nga apektado hiton El Niño kaapi na iton Cebu, in masaka ha 34 ha Marso ngan 68 pag-abot hiton Abril.

Kaapi ha 29 nga mga probinsya nga apektado ha Visayas in an Siquijor, Negros Occidental, Negros Oriental, Iloilo, Capiz, Aklan, Antique, Guimaras, Northern Samar, Samar, Biliran, ngan dinhi ha Eastern Samar.

Ha report pinaagi han Philippine Statistics Authority (PSA), nahisumat nga haros 'flat' daw yana nga tuig an agricultural production dinhi ha nasud, nga umabot la ha 0.11 percent.

Siring han PSA nga guinpaluya an output han pag-uma yana tungod ha makusog nga epekto hiton El Niño, nga guindugangan pa hin magkusog nga oran dara han magkusog nga bagyo, ha kaso han bagyong Lando, nga nagbayo ha haros bug-os nga isla hiton Luzon.

PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:

Kuya Jayson M.

Balyu-an ni Kuya "Jayson M."

SOURCE: SunStar / Google Images