DUTERTE: Magdedeklara ako hin Martial Law kun...

Diri daw magruruha-duha hi PDP-Laban presidential bet, Davao City Mayor Rodrigo Duterte nga mag-deklara hin Martial Law in kaso magka-ada hin “constitutional crisis” ha kasagsagan hiton iya termino.

Guinsiring ni Duterte ha mga reporters hadton usa nga Huwebes, (January 14) kadungan han special joint meeting han Rotary Club of Makati and Manila nga plano niya nga mag-set up hin “revolutionary government” kun magka-ada hin diri pagkakaarasya ha butnga niya kumo Ehikutibo ug hton Legislative department ha pag-aboy ha pag-release hin budget.

“If you threatened me with impeachment and create a constitutional crisis, I will be forced to declare a revolutionary government,” siring han 'brash mayor', nga kilala ha iya “take-no-prisoners” persona.

Iguindoon ni Duterte nga nagpapabilin nga “last option” para ha iya administrasyon an pagdeklara hin Martial Law.

An mga Filipino in may ada masirom nga parte ha Martial Law, ilabi na ha kapanahonan han anay 'strongman president Ferdinand Marcos han maguin-common an human rights violations.

Ha lain pa, guinsiring ni “Digong” nga iya aaghaton an mga ex-military officials nga maguin myembro hiton iya Gabinete. Sumala ha iya nga ini in magpaparig-on ha intigridad hiton iya administrasyon.

Nagtotoo hi Duterte nga an anay mga 'men in uniform' in makakapag-tanggal daman ha kurapsyon ha gobyerno. (Samantha A. Giron)

PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:

Kuya Jayson M.

Balyu-an ni Kuya "Jayson M."

SOURCE: POLITIKO