NGCP, guin-aghat iton mga 'host communities' nga ihunong na iton pag-kaingin

Padayon yana iton pag-apela hiton National Grid Corporation of the Philippines o NGCP ha mga residente nga mag-uruma nga likayan adton pagkaingin ug iba pa nga kapareho nga aktibidad harani o ilarom ha mga transmission ngan sub-transmission lines.

Pagdugang pa han NGCP nga pwede maging hinungdan hin pagkasunog hiton banwa o 'grass fire' an nasabi nga aktibidad ngan magsarang tipakadto ha mga transmission structure han kompanya.

Dinhi kasi ha Samar ngan Sinirangan Visayas sumala ha NGCP, nagresulta ha pagkasunog han 69-kiloVolt nga wood poles han NGCP in insidente hin 'grass fire' nga tungod hini in nagkaada hin pagparong ha serbisyo elektrisidad nga umabot haros walo ka oras.

Natudlok han NGCP nga naapektuhan an Samar I ug Northern Samar Electric Cooperative.

Nahinabo guihapon in kapareho nga insidente ha Pampanga, Nueva Ecija ngan Bulacan kun diin an pag-uma hin humay an pangunahon nga pakabuhi han mga mulopyo didto.

Nahisumat nga an sinunog nga mga pinagbari-an ug banwa an nag-ulang ha pag-agi han kuryente.

Posible manggud sumala ha NGCP nga maghimo hin tinatawag nga "conductive path" para hin "flashover" pa-deritso ha 'air gap' ha butnga hiton nga tutulo nga conductors hin usa nga transmission line iton madakmol nga aso tikang ha nasusunog nga 'high-voltage' lines.

PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:

Kuya Jayson M.

Balyu-an ni Kuya "Jayson M."

SOURCE: NGCP (TransMissions 2nd Quarter 2015, Vol. 5 Issue 2) / Google Images