Balangkayan police station guinlusob hin mga NPA; mga armas nadara

Guin-raid hin maabot 30 nga mga myembro han rebelde nga grupo nga New People’s Army (NPA) an police station han Balangkayan, Eastern Samar.

Nahinabo an nasabi nga insidente hadton Lunes han gab-i, March 6, 2016 kun diin nadara in damo nga klase hin mga armas.

Sumala kan Eastern Samar police provincial director Sr. Supt. Romeo Campomanes nga talwas in lima nga policemen on duty ha guinbuhat nga raid han mga rebelde nga umabot hin 30 minutos.

Iguindugang pa ni Campomanes nga 'at least' 14 nga assorted firearms an nadara han mga rebelde mahuman nga pagkumpiskahan an police station.

Natigdaan an mga pulis sumala kan Campomanes amo nga waray na hira mag-testing hin pag-ato tungod nga guintarhog hira nga pusilon kon gumi-os pa.

May ada 22 nga police officers iton bungto hiton Balangkayan; 11 hini in naka-duty hadton Lunes, pero lima la an nakadto han police station tungod nga an iba in di ngani nagpapatrol o nanganga-on.

Pumalagiw an mga rebelde tipakadto ha may Balogo sakay in guin-rentahan nga van nga pagtatag-iya han Duptours.

Guinbayaan han mga NPA an sarakyan ha tay-aw nga lugar han San Gabriel ha Maydolong.

Nagkakamay-ada naman yana hin imbestigasyon may paghisumpay ha insidente ha pag-hingita hin posible pagkukulang ha police operation procedures, sumala ha provincial police chief.

“We ordered hot pursuit operations against the NPA rebels behind staging the raid,” guindugang ni Campomanes.

An Balangkayan nga usa nga fifth class nga bungto hiton Sinirangan Samar in mga 160 kilometros tikang ha Tacloban, an regional trade center ug mga 30 kilometros ha provincial capital hiton Borongan City.

PARA HIN KADUGANGAN PA NGA MGA SUMAT SUGAD HINI, I-LIKE IT ATON FACEBOOK PAGE SANGKAY, I CLICK LA ADI:

Kuya Jayson M.

Balyu-an ni Kuya "Jayson M."

SOURCE: Manila Bulletin